ଦିନକୁ ଦିନ ଦିଲ୍ଲୀ ପ୍ରଦୂଷଣ ଖରାପ ହେବାରେ ଲାଗିଛି । ବେହାଲ ହେଲାଣି ସାରା ରାଜଧାନୀ । ନିଶ୍ୱାସ ନେବାରେ ମଧ୍ୟ କଷ୍ଟକର କଲେଣି ରାଜଧାନିବାସୀ ।
ଆଜି ସମଗ୍ର ଦିଲ୍ଲୀର ବାୟୁ ଗୁଣବତ୍ତା ସୂଚକାଙ୍କ ୩୫୪ରେ ପହଞ୍ଚିଛି। ଯାହା ବହୁତ ଖରାପ ବର୍ଗରେ ଆସିଥାଏ।ଦିଲ୍ଲୀର ଲୋଦି ରୋଡରେ ଥିବା AQI ୩୪୯ ଥିବାବେଳେ ଏହା ମଧ୍ୟ ବହୁତ ଖରାପ ଅବସ୍ଥା। AQI ଦିଲ୍ଲୀ ବିଶ୍ୱବିଦ୍ୟାଳୟ ନିକଟରେ ୩୮୭ ଏବଂ ମଥୁରା ରୋଡରେ ୩୮୮ରେ ପହଞ୍ଚିଛି। ଏହା ମଧ୍ୟ ବହୁତ ଖରାପ ବର୍ଗରେ ସାମିଲ।
ଏହାପୂର୍ବରୁ ମଙ୍ଗଳବାର ଦିନ ଦିଲ୍ଲୀର AQIର ଅବସ୍ଥା ଅତ୍ୟନ୍ତ ଖରାପ ଥିଲା। ଏଠାରେ ଅନେକ କ୍ଷେତ୍ରରେ AQI ୪୦୦ ଅତିକ୍ରମ କରିଥିଲା, ଯାହା ଗୁରୁତର ବର୍ଗରେ ଆସେ। ନରେଲାରେ ଅବସ୍ଥା ଆହୁରି ଖରାପ ହୋଇଯାଇଥିଲା, ଯେଉଁଠାରେ AQI ୫୭୧ରେ ପହଞ୍ଚିଥିଲା।
ଦିଲ୍ଲୀରେ ବଢୁଥିବା ପ୍ରଦୂଷଣକୁ ନିୟନ୍ତ୍ରଣ କରିବା ପାଇଁ ଗ୍ରେଡେଡ୍ ରେସପନ୍ସ ଆକ୍ସନ ପ୍ଲାନ୍ (GRAP) ର ତୃତୀୟ ପର୍ଯ୍ୟାୟ କାର୍ଯ୍ୟକାରୀ କରାଯାଇଛି, ତଥାପି ପରିସ୍ଥିତିରେ କୌଣସି ଉନ୍ନତି ହୋଇନାହିଁ। ଆଗାମୀ ଦିନରେ ଦିଲ୍ଲୀରେ ପ୍ରଦୂଷଣ ହେତୁ ପରିସ୍ଥିତି ଆହୁରି ଖରାପ ହୋଇପାରେ।
