ଦେଶରେ ଖୁବଶୀଘ୍ର ଶସ୍ତା ହେବାକୁ ଯାଉଛି ଅତ୍ୟାବଶ୍ୟକ ଔଷଧ । ଏନେଇ ନୂଆ ତାଲିକା ଜାରି କରିଛନ୍ତି ସ୍ୱାସ୍ଥ୍ୟମନ୍ତ୍ରୀ । ନ୍ୟାଶନାଲ ଲିଷ୍ଟ ଅଫ ଏସେନସିଆଲ ମେଡିସିନରେ ଯୋଗ କରାଯାଇଛି ଆଇଭର୍ମେକ୍ଟିନ, ମୁପିରୋସିନ, ନିକୋଟିନ ରିପ୍ଲେସମେଣ୍ଟ ଥେରାପି ଭଳି କେତେକ ଆଣ୍ଟି-ଇନଫେକ୍ସନ ଔଷଧ । ବର୍ତ୍ତମାନ ଏହି ତାଲିକାରେ ୩୮୪ ଔଷଧ ଅନ୍ତର୍ଭୁକ୍ତ କରାଯାଇଛି।ଏଥି ସହିତ, ରାନିଟିଡାଇନ, ସୁକ୍ରାଲଫେଟ, ହ୍ବାଇଟ ପେଟ୍ରୋଲାଟମ, ଆଟେନୋଲଲ ଏବଂ ମିଥାଇଲୋଡୋପା ସମେତ ୨୬ ଟି ଔଷଧ ଏହି ଜାତୀୟ ତାଲିକାରୁ ହଟାଯାଇଛି। ଏନେଇ କେନ୍ଦ୍ର ସ୍ବାସ୍ଥ୍ୟମନ୍ତ୍ରୀ ମନସୁଖ ମାଣ୍ଡବ୍ୟ ମଙ୍ଗଳବାର ଏହି ନୂଆ ଔଷଧ ତାଲିକା ପ୍ରକାଶ କରିଛନ୍ତି।
ମାଣ୍ଡବ୍ୟ ଟୁଇଟ ମାଧ୍ୟମରେ କହିଛନ୍ତି ଯେ, ଜାତୀୟ ତାଲିକାର ଅତ୍ୟାବଶ୍ୟକ ଔଷଧ-୨୦୨୨ ପ୍ରକାଶ ପାଇଛି। ଅତ୍ୟାବଶ୍ୟକ ଔଷଧ ତାଲିକାରେ ଯୋଡିବା ଦ୍ୱାରା ଅନେକ ଆଣ୍ଟିବାୟୋଟିକ, ଟିକା ଏବଂ କର୍କଟ ଔଷଧ ଶସ୍ତା ହେବ । ସେହିପରି ଏଥିରେ ୨୭ଟି ବର୍ଗରେ ୩୮୪ ଔଷଧ ଅନ୍ତର୍ଭୁକ୍ତ। ଅନେକ ଆଣ୍ଟିବାୟୋଟିକ, ଟିକା, କର୍କଟ ଔଷଧ ଏବଂ ଅନ୍ୟାନ୍ୟ ଅତ୍ୟାବଶ୍ୟକ ଔଷଧ ସୁଲଭ ହେବ ଏବଂ ରୋଗୀଙ୍କ ଖର୍ଚ୍ଚ ହ୍ରାସ ପାଇବ । ଏହି ତାଲିକାରେ ଏଣ୍ଡୋକ୍ରାଇନ ଏବଂ ଗର୍ଭନିରୋଧକ ଔଷଧ ଯେପରିକି ଫ୍ଲୁଡ୍ରୋକର୍ଟିସୋନ, ଅର୍ମେଲୋକ୍ସିଫେନ, ଇନସୁଲିନ ଗ୍ଲାର୍ଜିନ ଏବଂ ଟେନେଲାଇଟିସ ମଧ୍ୟ ଯୋଗ କରାଯାଇଛି।
ଏହା ବ୍ୟତୀତ ମୋଣ୍ଟେଲୁକାଷ୍ଟ (ଶ୍ୱାସକ୍ରିୟା ଔଷଧ) ଏବଂ ଲାଟାନୋପ୍ରୋଷ୍ଟ (ଚକ୍ଷୁ ଚିକିତ୍ସା) ର ନାମ ମଧ୍ୟ ଏହି ତାଲିକାରେ ଅନ୍ତର୍ଭୁକ୍ତ ହୋଇଛି। ଏହା ବ୍ୟତୀତ ହୃଦରୋଗ, ଡାବିଗାଟ୍ରାନ ଏବଂ ଟେନେଟେପ୍ଲେଜ ମଧ୍ୟ ଏହି ତାଲିକାରେ ସ୍ଥାନ ପାଇଛି।
