ସୁକମା, 28 ଫେବ୍ରୁଆରି – ନକ୍ସଲଙ୍କ କିଷ୍ଟାରାମ ଏରିଆ କମିଟିର ସଚିବ ରାଜୁ ବୁଧବାର ପ୍ରେସ ରିଲିଜ୍ ଜାରି କରି ଜିଲ୍ଲାର ବୁର୍କାଲଙ୍କା ଗାଁରେ ଫେବୃୟାରୀ 24ରେ ହୋଇଥିବା ଗୁଳି ବିନିମୟକୁ ମିଛ ବୋଲି କହିଛନ୍ତି । ସେ କହିଛନ୍ତି ଯେ, ଫୋର୍ସ ଆମ ସାଥୀଙ୍କୁ ଗାଁରୁ ହିଁ ଧରିଥିଲେ ଏବଂ ତାକୁ ଗୁଳି କରିଥିଲେ । ପୋଲିସ କହିଥିବା ଗୁଳି ବିନିମୟ କାହାଣୀ ସମ୍ପୂର୍ଣ୍ଣ ମିଛ । ପୋଲିସ ପକ୍ଷରୁ କୁହାଯାଇଥିଲା ଯେ, ନକ୍ସଲଙ୍କ ସହିତ ଗୁଳି ବିନିମୟରେ ଜଣେ ନକ୍ସଲ ନିହତ ହୋଇଛି । ପୋଲିସ ନକ୍ସଲର ମୃତଦେହ ସହିତ ଘଟଣାସ୍ଥଳରୁ ଅସ୍ତ୍ରଶସ୍ତ୍ର, ବିସ୍ଫୋରକ ଓ ଦୈନନ୍ଦିନ ବ୍ୟବହାର ଉପକରଣ ଜବତ କରିଥିବା କହିଥିଲା ।
ତେବେ ନକ୍ସଲଙ୍କ ପକ୍ଷରୁ ଜାରି ପ୍ରେସ ନୋଟରେ, ଫେକ୍ ଗୁଳି ବିନିମୟ ଅଭିଯୋଗ ଆଣି କୁହାଯାଇଛି ଯେ, ଭେଜ୍ଜି ଥାନା ଅଂଚଳରୁ ବୁର୍କାଲଙ୍କା ଗାଁରେ ତାଙ୍କ ସହଯୋଗୀ କରତମ ଭୀମା ଉପସ୍ଥିତ ଥିଲା । ପୋଲିସ ଗାଁରେ ପହଞ୍ଚି ତାକୁ ଧରିଥିଲେ । ଏହାପରେ ତାକୁ ନିକଟସ୍ଥ ଜଙ୍ଗଲକୁ ନେଇ ଗୁଳି କରିଥିଲା ।
