ପ୍ରେମ ପାଇଁ ପ୍ରେମିକ ସହ ମିଶି ବାପାଙ୍କୁ ହତ୍ୟା କଲା ଝିଅ

ମିଳିଥିବା ସୂଚନା ମୁତାବକ ଜଣେ ୬୦ ବର୍ଷ ବୟସ୍କ ବ୍ୟକ୍ତିଙ୍କ ମୃତ୍ୟୁ ହେବା ପରେ ଗ୍ରାମବାସୀଙ୍କୁ ମୃତକଙ୍କ ଝିଅ କହିଥିଲେ ଯେ ତାଙ୍କ ବାପାଙ୍କର ଅଜଣା ରୋଗ କାରଣରୁ ମୃତ୍ୟୁ ହୋଇଯାଇଛି । ଆଉ ଗ୍ରାମବାସୀ ଯେତେବେଳେ ତାଙ୍କ ମୃତଦେହକୁ ଅନ୍ତିମ ସଂସ୍କାର ପାଇଁ ନେଉଥିଲେ, ସେତେବେଳେ ମୃତକଙ୍କ ଶରୀରରେ ମାଡ ମାରିଥିବାର ଚିହ୍ନ ଦେଖିବାକୁ ମିଳିଥିଲା । ଏହାପରେ ତୁରନ୍ତ ଗ୍ରାମବାସୀମାନେ ପୁଲିସକୁ ଖବର ଦେଇଥିଲେ । ପୁଲିସ ଘଟଣାସ୍ଥଳରେ ପହଞ୍ଚି ମୃତଦେହ ଜବତ କରି ପୋଷ୍ଟମର୍ଟମ ପାଇଁ ପଠାଇଥିଲା ।

ରିପୋର୍ଟରୁ ମିଳିଥିବା ସୂଚନା ଅନୁଯାୟୀ . ମୃତ ବ୍ୟକ୍ତିଙ୍କୁ ମାଡ଼ ମାରିବା ସହ ଶ୍ବାସରୁଦ୍ଧ କରି ହତ୍ୟା କରାଯାଇଥିଲା। ଆଉ ପୁଲିସ ସନ୍ଦେହ ଆଧାରରେ ମୃତକଙ୍କ ଝିଅକୁ ଡାକି ପଚରାଉଚୁରା କରିଥିଲା । ଶେଷରେ ଝିଅ ଜଣକ ହତ୍ୟା କରିଥିବାର ସ୍ୱୀକାର କରିଥିଲେ ।

ପୁଲିସର ସୂଚନା ମୁତାବକ ଅଭିଯୁକ୍ତ ମହିଳା ତାଙ୍କ ସ୍ୱାମୀଙ୍କଠାରୁ ଅଲଗା ରହୁଥିଲେ ଏବଂ ପାଖ ଗ୍ରାମର ୩୫ ବର୍ଷୀୟ ରୋଶନ ଯାଦବଙ୍କ ସହ ତାଙ୍କର ପ୍ରେମ ସମ୍ପର୍କ ଥିଲା । ତେବେ ସେମାନଙ୍କ ସମ୍ପର୍କ ବିଷୟରେ ଜାଣିବା ପରେ ତାଙ୍କ ବାପା ଏଥିରେ ରାଜି ନଥିଲେ ଓ ବାରମ୍ବାର ଏପରି ନ କରିବାକୁ ମନା କରିଥିଲେ । ତେବେ ସମ୍ପର୍କରେ କଣ୍ଟା ସାଜିଥିବା ନିଜ ବାପାଙ୍କୁ ରାସ୍ତାରୁ ହଟାଇବାକୁ ଉଭୟ ପ୍ରେମୀଯୁଗଳ ଯୋଜନା କରିଥିଲେ ଓ ଏପରି ଅମାନୁଷିକ କାଣ୍ଡ ଘଟାଇଛିଲେ ।