Breaking PLUSଦେଶମୁଖ୍ୟ ଖବର
ଅତିରିକ୍ତ ଟିକସ କିସ୍ତି ଜାରି କଲେ କେନ୍ଦ୍ର ସରକାର, ଓଡିଶାକୁ ୬ ହଜାର ୩୪୫ କୋଟି
ବିଭିନ୍ନ ସାମାଜିକ କଲ୍ୟାଣମୂଳକ ପଦକ୍ଷେପ ଓ ଭିତ୍ତିଭୂମି ବିକାଶ ଯୋଜନା ପାଇଁ ରାଜ୍ୟ ସରକାରଙ୍କ ହାତକୁ ସୁଦୃଢ଼ କରିବା ପାଇଁ କେନ୍ଦ୍ର ସରକାର ୧,୪୨,୧୨୨ କୋଟି ଟଙ୍କାର ଟିକସ ବଣ୍ଟନର ଆଉ ଏକ ଅତିରିକ୍ତ କିସ୍ତି ଜାରି କରିଛନ୍ତି। ଅର୍ଥ ମନ୍ତ୍ରଣାଳୟ କହିଛି ଯେ ଫେବ୍ରୁଆରି ୧୨ ତାରିଖରେ ପୂର୍ବରୁ କରାଯାଇଥିବା ୭୧,୦୬୧ କୋଟି ଟଙ୍କାର କିସ୍ତିର ଟିକସ ବଣ୍ଟନ ବ୍ୟତୀତ ଏହି ବିଜ୍ଞପ୍ତି ପ୍ରକାଶ ପାଇଛି। ଏଥି ସହିତ ଫେବ୍ରୁଆରିରେ ରାଜ୍ୟଗୁଡ଼ିକୁ ମୋଟ ତିନୋଟି କିସ୍ତି ଟିକସ ବଣ୍ଟନ କରାଯାଇଛି। ସୂଚନା ଅନୁଯାୟୀ, ଏହି ଯୋଜନାରେ ଓଡିଶାକୁ ୬ ହଜାର ୩୪୫ କୋଟି ପ୍ରଦାନ କରାଯାଇଛି ।ଏଥିରେ ଉତ୍ତରପ୍ରଦେଶକୁ ସର୍ବାଧିକ ୨୫ ହଜାର ୪୯୫ କୋଟି ପ୍ରଦାନ କରାଯାଇଥିବା ବେଳେ ଗୋଆକୁ ୫୪୯ କୋଟି ମିଳିଛି।