ଖରାଦିନେ ସକାଳୁ ପଇଡ଼ ପାଣି ପିଅନ୍ତୁ, କିଡ୍ନୀ କୁ ସୁସ୍ଥ ରଖିବା ସହ ତ୍ୱଚାରେ ଚମକ ଆଣନ୍ତୁ

ପ୍ରତିଦିନ ପଇଡ ପିଇବା ଦ୍ୱାରା ଶରୀରରୁ ଡି ହାଇଡ୍ରେସନ ଦୂର ହୋଇଥାଏ l ଶରୀରର ଇମ୍ୟୁନିଟି ମଜବୁତ ହୋଇଥାଏ l ପଇଡ ରେ ଖଣିଜ ପଦାର୍ଥ ଅଧିକ ରହିଥାଏ l ପଇଡ଼ ରେ ଫ୍ୟାଟ କୋଲେଷ୍ଟ୍ରଲ ଓ ଶର୍କରା ର ମାତ୍ରା ଖୁବ କମ ରହିଥାଏ l ବିଶେଷଜ୍ଞ ମାନଙ୍କ ମତରେ ସକାଳୁ ପଇଡ଼ ପାଣି ପୀଇବା ଦ୍ୱାରା ଶରୀରକୁ ଅଧିକ ଲାଭ ମିଳିଥାଏ ଓ ଶରୀର ଅଧିକ ଫୁର୍ତି ଲାଗିଥାଏ l

* କିଡ୍ନୀ କୁ ସୁସ୍ଥ ରଖିବା ପାଇଁ ପଇଡ଼ ପାଣି ଖୁବ ହିତକର l ଏହା ୟୁରିନାରୀ ଟ୍ରାକ କୁ ସଫା ରଖିବାରେ ସାହାଯ୍ୟ କରିଥାଏ l ତା ସହିତ କିଡ୍ନୀ କୁ ଷ୍ଟୋନ ଠାରୁ ଦୁରେଇ ରଖିଥାଏ l

* ପଇଡ଼ ନିୟମିତ ସେବନ କରିବା ଦ୍ୱାରା ଇମ୍ୟୁନିଟି ବୃଦ୍ଧି ହୋଇଥାଏ l ଏହାଦ୍ୱାରା ଅନେକ ରୋଗରୁ ଆରମ୍ ମିଳିଥାଏ l ଆମ ଅନ୍ତ କୋଷ ମଧ୍ୟ ସୁସ୍ଥ ରୁହେ l ଗ୍ୟାସ ଏସିଡ଼ିଟି ସମସ୍ୟା ଦୁରେଇ ଯାଇଥାଏ l

* ପଇଡ଼ ପାଣି ଥାଇରଏଡ ରୋଗୀ ମାନଙ୍କ ପାଇଁ ଖୁବ ହିତକର ଅଟେ l ସକାଳୁ ପଇଡ଼ ପାଣି ପୀଇବା ଦ୍ୱାରା ଥାଇରଏଡ ହର୍ମୋନ ସନ୍ତୁଳିତ ରହିଥାଏ l

* ଯଦି ଆପଣ ଓଜନ ହ୍ରାସ କରିବାକୁ ଚାହୁଁଛନ୍ତି ତେବେ ଆପଣଙ୍କ ପାଇଁ ପଇଡ଼ ପାଣି ଖୁବ ପ୍ରଭାବଶାଳୀ l ଏଥିରେ କ୍ୟାଲୋରୀର ମାତ୍ରା ଖୁବ କମ ରହିଥାଏ ଓ ଫ୍ୟାଟ ଖୁବ କମ ରହିଥାଏ l ପଇଡ଼ ପାଣି ପୀଇବାର ଦୀର୍ଘ ସମୟ ଧରି ଭୋକ ଲାଗି ନଥାଏ l ତେଣୁ ଏହା ଓଜନ ହ୍ରାସ କରିବା ପାଇଁ ହିତକର l

* ତ୍ୱଚାକୁ ସୁସ୍ଥ ଓ ସୁନ୍ଦର ରଖିବା ପାଇଁ ପଇଡ଼ ପାଣି ଖୁବ ଉପକାରୀ l ପଇଡ଼ ପାଣି ଆମ ଶରୀରରୁ ବିଷାକ୍ତ ପଦାର୍ଥକୁ ବାହାର କରି ଦେଇଥାଏ ଓ ତ୍ୱଚାରେ ଚମକ ଆଣିଥାଏ l ତ୍ୱଚାର ସମସ୍ତ ଦାଗ କୁ ମଧ୍ୟ ପଇଡ଼ ପାଣି ଦୂର କରେ l