ସିକ୍କିମରେ ବାଦଲଫଟା ବର୍ଷା ହେତୁ ତିସ୍ତା ନଦୀ ବନ୍ୟାରେ ମୃତ୍ୟୁସଂଖ୍ୟା ୫୧ କୁ ବୃଦ୍ଧି ପାଇଛି। ସେଥିମଧ୍ୟରୁ ସିକ୍କିମରେ ୨୬ ଟି ମୃତଦେହ ଏବଂ ପଶ୍ଚିମବଙ୍ଗର ଜାଲପାଇଗୁରି ଜିଲ୍ଲାର ବିଭିନ୍ନ ଅଞ୍ଚଳରେ ୨୫ଟି ମୃତଦେହ ଉଦ୍ଧାର କରାଯାଇଛି। ୧୪୨ ଜଣ ନିଖୋଜ ଥିବାବେଳେ ଆହତଙ୍କ ସଂଖ୍ୟା ୨୬ ରହିଛି। ମୁଖ୍ୟମନ୍ତ୍ରୀ ପ୍ରେମ ସିଂ ତମାଙ୍ଗ ଶୁକ୍ରବାର ବନ୍ୟା ପ୍ରଭାବିତ ଅଞ୍ଚଳ ପରିଦର୍ଶନ କରି ଲୋକଙ୍କ ସହ କଥାବାର୍ତ୍ତା କରିଛନ୍ତି। ସିକ୍କିମ୍ ରାଜ୍ୟ ବିପର୍ଯ୍ୟୟ ନିୟନ୍ତ୍ରଣ କକ୍ଷ (SSDMA) ଅନୁଯାୟୀ, ସାତଜଣ ସେନା କର୍ମଚାରୀଙ୍କ ସମେତ ମାଙ୍ଗାନ, ଗାଙ୍ଗଟୋକ, ପାକିଙ୍ଗ ଏବଂ ନାମଚିର ଚାରିଟି ବନ୍ୟା ପ୍ରଭାବିତ ଜିଲ୍ଲାରେ ଏପର୍ଯ୍ୟନ୍ତ ୨୬ ଜଣଙ୍କର ମୃତ୍ୟୁ ଘଟିଛି। ଜଲପାଇଗୁରି ଏସପି ଉମେଶ ଗଣପତ କହିଛନ୍ତି ଯେ, ଗତ ତିନି ଦିନ ମଧ୍ୟରେ ଜଲପାଇଗୁରୀରୁ ୨୫ ଟି ମୃତଦେହ ଉଦ୍ଧାର କରାଯାଇଛି, ସେଥିମଧ୍ୟରୁ ଚାରିଟି ମୃତଦେହ ସେନା କର୍ମଚାରୀଙ୍କର ଅଟେ। ତେବେ ସିକ୍କିମରେ ନିଖୋଜ ସୈନିକମାନଙ୍କ ମଧ୍ୟରେ ଏହି ସୈନିକମାନେ ଅଛନ୍ତି କି ନାହିଁ ତାହା ସ୍ପଷ୍ଟ ହୋଇନାହିଁ। ଏଥି ସହିତ, ଉତ୍ତର ସିକ୍କିମରେ ବନ୍ୟା ହେତୁ ଗତ ତିନି ଦିନ ମଧ୍ୟରେ ୧୬୦୦ ଫୁଟ ଉଚ୍ଚ ପାଣିରେ ଫସି ରହିଥିବା ୬୮ ଜଣଙ୍କୁ ସୁରକ୍ଷିତ ଭାବରେ ITBP ର ହିମବୀର ଉଦ୍ଧାର କରିଛନ୍ତି। ସୂଚନା ଅନୁଯାଇ ଉଦ୍ଧାର କରାଯାଇଥିବା ଲୋକମାନେ ଗତ ତିନି ଦିନ ଧରି ଗ୍ଲାସିଅଲ୍ ହ୍ରଦ ବିସ୍ଫୋରଣ ହେତୁ ପାହାଡ ଅଞ୍ଚଳରେ ଫସି ରହିଥିଲେ। ଆଇଟିବିପି ସୋସିଆଲ ମିଡିଆ ପ୍ଲାଟଫର୍ମ X ରେ ପ୍ରକାଶ କରିଛି।
