ଆପଣ ଜାଣନ୍ତି କି : ହୃଦଘାତ ଠାରୁ ଦୁରେଇ ରଖିବାପାଇଁ ଆମକୁ ଦୈନଦିନ ଏହିସବୁ ଖାଦ୍ୟ ସାହାଯ୍ୟ କରିଥାଏ

ମଣିଷର ଦୈନଦିନ ଜୀବନରେ ଅନେକ ପ୍ରକାରର ସୁବିଧା ଅସୁବିଧା ଲାଗି ରହିଥାଏ ଯାହାର ପ୍ରଭାବ ହୃତପିଣ୍ଡ ଉପରେ ପଡିବ ସହିତ ମସ୍ତିସ୍କ ଉପରେ ମଧ୍ୟ ପଡିଥାଏ l

ଶୋଇବା ସମୟରେ ଆମ ଶରୀରର ସମସ୍ତ ଅଙ୍ଗପ୍ରତ୍ୟଙ୍ଗ ଯେତେବେଳେ କାର୍ଯ୍ୟ କରି ନଥାନ୍ତି ସେତେବେଳେ ମଧ୍ୟ ହୃତପିଣ୍ଡ ମଧ୍ୟ କାର୍ଯ୍ୟ କରି ଚାଲିଥାଏ l ଆମେରିକାରେ ଥିବା ଆମୋରୀ ବିଶ୍ୱବିଦ୍ୟାଳୟରେ ନିକଟରେ ହୋଇଥିବା ଗୋଟିଏ ଅଧୟନର ଜଣା ପଡିଛି ଯେ ପ୍ରତେକ ବର୍ଷ ବିଶ୍ୱରେ ହୃଦ୍ଘାତ ଜନିତ ମୃତ୍ୟୁ ସବୁଠୁ ଅଧିକ ହୋଇଥାଏ l ଯାହାକୁ ଆମେ ସୁସ୍ଥ ଖାଦ୍ୟ ଦ୍ୱାରା ଦୂର କରି ପାରିବ l ଏମିତି ୪ ଟି ଖାଦ୍ୟ ପଦାର୍ଥ ରହିଛି ଯାହା ହୃତ୍ପିଣ୍ଡ ପାଇଁ ଅମୃତ ସମାନ ଅଟେ l

* ଟମାଟୋ -ଟମାଟୋରେ ଗୋଟିଏ ଖାସ ଆଣ୍ଟିଆକ୍ସିଡେଣ୍ଟ ରହିଛି ,ଯାହାର ନାମ ହେଉଛି ଲାଇକୋପୀନ l ଲାଇକୋପୀନ ଉପରେ ପୂର୍ବରୁ ଅନେକ ଗବେଷଣା ହୋଇ ସାରିଛି ,ଏହି ଗବେଷଣାରେ ସବୁ ଜଣାପଡିଛି ଯେ ଲାଇକୋପୀନ ଖାଇବା ଦ୍ୱାରା ହୃଦଘାତ ପାଇଁ ଥିବା ବିପଦ ଦୂର ହୋଇଥାଏ l ତେଣୁ ନିୟମିତ ଟମାଟୋରେ ସାଲାଡ଼ ଓ ସୁପ ଇତ୍ୟାଦି ପ୍ରସ୍ତୁତ କରି ଖାଇବା ଆବଶ୍ୟକ l ଲାଇକୋପୀନ ଦ୍ୱାରା କର୍କଟ ରୋଗର ବିପଦ ମଧ୍ୟ ଦୂର ହୋଇଥାଏ l

* ଚିନାବାଦାମ -ଚିନାବାଦାମ ହୃତ୍ପିଣ୍ଡ ପାଇଁ ରାମବାଣ ସଦୃଶ l କିନ୍ତୁ ଚିନାବାଦାମକୁ ଭାଜିକି ଖାଇବା ପରିବର୍ତେ ସିଝାଇ ଖାଇବା ଉଚିତ l ଚିନାବାଦାମରେ ଥିବା ନାଲି ଚୋପାରେ ରିଜଭେରଟ୍ରଲ ନାମକ ତତ୍ୱ ରହିଛି ଯାହା ହୃତ୍ପିଣ୍ଡ ପାଇଁ ଆବଶ୍ୟକ l ଭଜା ଚିନାବାଦାମର ନାଲି ଚୋପା ବାହାର କରି ଆମେ ଫିଙ୍ଗି ଦେଇଥାଉ l ସେହି କାରଣରୁ ସିଝା ଚିନାବାଦାମ ଖାଇବା ଆବଶ୍ୟକ l ରେଡ ୱାଇନରେ ମଧ୍ୟ ରିଜଭେରଟ୍ରଲ ରହିଥାଏ ,କିନ୍ତୁ ଚିନାବାଦାମରେ ୱାଇନ ଠାରୁ ୫ଗୁଣ ଅଧିକ ମିଳିଥାଏ l

* ଗଜା ହୋଇଥିବା ରସୁଣ -ଆମେ ସମସ୍ତେ ପ୍ରତିଦିନ ରସୁଣ ଖାଇବା ସ୍ୱାସ୍ଥ୍ୟପକ୍ଷ ହିଅଟକାର ବୋଲି ଜାଣିଛି l କିନ୍ତୁ ରସୁଣ ପୁରୁଣା ହୋଇଯିବ ପରେ ସେଥିରେ ଗଜା ହୋଇଯାଇଥାଏ ଯାହାକୁ ଆମେ ଫିଙ୍ଗି ଦେଇଥାଉ l ଏହି ଗବେଷଣାରେ ଜଣା ପଡିଛି ଯେ ଗଜା ହୋଇଥିବା ରସୁଣ ହୃତ୍ପିଣ୍ଡ ପାଇଁ ଅତ୍ୟନ୍ତ ଉପକାରୀ ,ତେଣୁ ତାହାକୁ ଫିଙ୍ଗି ନଦେଇ ନିଜ ଖାଦ୍ୟରେ ସାମିଲ କରନ୍ତୁ l

* ଦହି -ଆମେରିକାର ହାର୍ଟ ଆଷୋସିୟସନ ଅନୁସାରେ ଜଣାପଡିଛି ଯେ ଯେଉଁ ଲୋକମାନେ ଦୁଇଦିନକୁ ଥରେ ୧୭୦ ଗ୍ରାମ ଦହି ଖାଇଥାନ୍ତି ସେମାନେ ମାନସିକ ଚିନ୍ତାରୁ ମୁକ୍ତି ପାଇବା ସହିତ ହୃଦଘାତରୁ ମଧ୍ୟ ଦୁରେଇ ରହିଥାନ୍ତି l ଦହି ଉଚ ରକ୍ତଚାପକୁ ମଧ୍ୟ ନିୟନ୍ତ୍ରଣ କରିଥାଏ l ଦହିରେ ଥିବା ପୋଷାକ ତତ୍ୱ ହୃତ୍ପିଣ୍ଡ ପାଇଁ ଅତ୍ୟନ୍ତ ଜରୁରୀ ଅଟେ l