କାଶୀ ବିଶ୍ୱନାଥ ଧାମ ଦେଶକୁ ନିର୍ଣ୍ଣାୟକ ଭବିଷ୍ୟତ ଅଭିମୁଖେ ନେଇଯିବାକୁ ପ୍ରସ୍ତୁତ- ପିଏମ ମୋଦି
ବାରଣାସୀ, 23 ଫେବୃଆରୀ – ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଶୁକ୍ରବାର କାଶୀ ହିନ୍ଦୁ ବିଶ୍ୱବିଦ୍ୟାଳୟର ସ୍ୱତନ୍ତ୍ରତା ଭବନ ସଭାଗାରରେ କାଶୀ ସାଂସଦ ଜ୍ଞାନ, ସାଂସଦ, ସଂସ୍କୃତ ତଥା ସାଂସଦ ଫଟୋଗ୍ରାଫି ପ୍ରତିଯୋଗିତାର ବିଜେତାଙ୍କୁ ପୁରସ୍କୃତ କରିଛନ୍ତି । ସଂସ୍କୃତ ଛାତ୍ରଙ୍କ ପୁସ୍ତକ, ନିଶୁଳ୍କ ଡ୍ରେସ ସେଟ୍, ବାଦ୍ୟଯନ୍ତ୍ର ଓ 66 ଛାତ୍ରଙ୍କୁ ଯୋଗ୍ୟତା ଛାତ୍ରବୃତ୍ତି ବିତରତ କରି ସାଂସଦ ଫଟୋଗ୍ରାଫି ପ୍ରତିଯୋଗିତା ଗ୍ୟାଲେରୀର ଅବଲୋକନ କରିଥିଲେ । ପ୍ରଧାନମନ୍ତ୍ରୀ କହିଛନ୍ତି, କାଶୀ ବିଶ୍ୱନାଥଧାମ ଦେଶକୁ ନିର୍ଣ୍ଣାୟକ ଭବିଷ୍ୟ ଅଭିମୁଖେ ନେଇଯିବାକୁ ପ୍ରସ୍ତୁତ ଅଛି ।
ଏହି ଅବସରରେ ପ୍ରଧାନମନ୍ତ୍ରୀ ମୋଦି ଶିବମନ୍ତ୍ରର ଉଚ୍ଚାରଣ କରି କହିଛନ୍ତି ଯେ, କାଳାତୀତ କାଶୀ ସର୍ବବିଦ୍ୟାର ରାଜଧାନୀ ଅଟେ । ଆଜି କାଶୀର ସାମର୍ଥ୍ୟ ସ୍ୱରୂପ ପୁଣି ଥରେ ଉଭା ହେଉଛି । ଏହା ପୂରା ଭାରତ ପାଇଁ ଗୌରବର କଥା ଅଟେ । ଆଜି କାଶୀ ସାଂସଦ ସଂସ୍କୃତ ପ୍ରତିଯୋଗିତା, ଜ୍ଞାନ ପ୍ରତିଯୋଗିତା, ଫଟୋଗ୍ରାଫି ପ୍ରତିଯୋଗିତାର ବିଜେତାଙ୍କୁ ପୁରସ୍କୃତ କରିବାର ସୁଯୋଗ ମିଳିଲା । ମୁଁ ତାଙ୍କ ପରିବାର ଓ ଗୁରୁଜନଙ୍କୁ ଶୁଭେଚ୍ଛା ଜଣାଉଛି । ଯେଉଁମାନେ ସଫଳତାଠାରୁ ଦୂରରେ ରହିଛନ୍ତି ମୁଁ ସେମାନଙ୍କୁ ମଧ୍ୟ ଅଭିନନ୍ଦନ ଜଣାଉଛି ।
ପ୍ରଧାନମନ୍ତ୍ରୀ ମୋଦି ସର୍ବବିଦ୍ୟାର ରାଜଧାନୀ ବିଏଚୟୁରେ ନିଜର 10ବର୍ଷର ରିପୋର୍ଟ କାର୍ଡ ମଧ୍ୟ ଉପସ୍ଥାପନ କରିଥିଲେ । ସେ କହିଛନ୍ତି ଯେ, କାଶୀ ବିଶ୍ୱନାଥ ଧାମ ଦେଶକୁ ନିର୍ଣ୍ଣାୟକ ଭବିଷ୍ୟ ଅଭିମୁଖେ ନେଇଯିବାକୁ ପୁଣି ଥରେ ଜାତୀୟ ଭୂମିକାକୁ ଫେରୁଛି । ଧାମ ପରିସରକୁ ସାରା ଦେଶରୁ ବିଦ୍ୱାନ ଆସୁଛନ୍ତି । ସେ କହିଛନ୍ତି ଯେଉଁ କାଶୀକୁ ସମୟ ଠାରୁ ବି ପ୍ରାଚୀନ କୁହାଯାଏ ଯାହାର ପରିଚୟ ଯୁବପିଢି ଦାୟିତ୍ୱ ଦ୍ୱାରା ସଶକ୍ତ ହେଉଛି। ଏହି ଦୃଶ୍ୟ ହୃଦୟରେ ସନ୍ତୋଷ ଭରିଦେଉଛି, ଗୌରବର ଅନୁଭୂତି ମଧ୍ୟ ପ୍ରଦାନ କରୁଛି ଏବଂ ଏହା ବିଶ୍ୱାସ ଦେଇଥାଏ ଯେ, ଅମୃତକାଳରେ ସମସ୍ତ ଯୁବକ ଦେଶକୁ ନୂଆ ଶିଖରକୁ ନେଇଯିବ ।