ପ୍ରୟାଗରାଜ- ଭାରତୀୟ ବାୟୁସେନା ପକ୍ଷରୁ ଶୁକ୍ରବାର ଫୁଲଡ୍ରେସ ରିହରସାଲ୍ କରାଯାଇଛି । ଭାରତୀୟ ବାୟୁସେନାର 91 ତମ ବାର୍ଷିକୀ ଅବସରରେ 08 ଅକ୍ଟୋବରରେ ଆୟୋଜିତ ହେବାକୁ ଥିବା ଏୟାର ସୋ ପୂର୍ବରୁ ଶୁକ୍ରବାର ଦିନ ସମ୍ପୂର୍ଣ୍ଣ ଡ୍ରେସ ରିହର୍ସାଲ କରାଯାଇଛି । ବମରୋଲି ସ୍ଥିତ ବାୟୁସେନାର ସେଣ୍ଟ୍ରୋଲ ଏୟାର କମାଣ୍ଡ ମୁଖ୍ୟାଳୟରେ ବାୟୁସେନାର ଯୋଦ୍ଧାମାନେ ପରେଡ୍ କରିଥିଲେ । ଏହି କାର୍ଯ୍ୟକ୍ରମ ଅବସରରେ ଲୋକମାନେ ରୋମାଞ୍ଚିତ ହୋଇପଡିବା ସହ ତାଳି ବଜାଇଥିଲେ ।
ଏହି ଅବସରରେ ଏଏନ 32 ବିମାନରୁ 10 ଜଣ ପାରାଜମ୍ପର 8ହଜାର ମିଟର ଉଚ୍ଚରୁ ଡେଇଁଥିଲେ । ଏହି ରଙ୍ଗବେରଙ୍ଗିତ ପାରାଜମ୍ପର ଦର୍ଶକଙ୍କ ସାମ୍ନାରେ ଓହ୍ଲାଉଥିବା ବେଳେ ଲୋକେ ରୋମାଞ୍ଚିତ ହୋଇପଡିଥିଲେ । ତେବେ ଆକର୍ଷଣର କେନ୍ଦ୍ର ବିନ୍ଦୁ ରହିଥିଲା ଗରୁଡ କମାଣ୍ଡୋଙ୍କ ପରେଡ୍ । ଏହି ପରେଡରେ 5ଜଣ ଗରୁଡ଼ କମାଣ୍ଡୋ ହେଲିକପ୍ଟରରୁ ଏକ ରଶି ବାନ୍ଧି ତଳକୁ ଲଟକିଥିବାର ଦୃଶ୍ୟମାନ ହୋଇଥିଲା । ପରେଡ ସମୟରେ ତିନି ସୂର୍ଯ୍ୟକିରଣ ହେଲିକପ୍ଟରରୁ ଆକାଶ ମାର୍ଗରୁ ତ୍ରିରଙ୍ଗା ଧୂଆଁ ଛାଡିଥିଲେ, ଯାହାକି ବେଶ୍ ଆକର୍ଷଣୀୟ ଥିଲା । ବାୟୁ ଯୋଦ୍ଧାମାନେ ନିଜର ରାଇଫଲରୁ ତମାମ କୌଶଳ ଦେଖାଇଥିଲେ ।
ସର୍ବପ୍ରଥମେ, ବାୟୁ ଯୋଦ୍ଧାମାନେ ପରେଡ ବାହାର କରି ଏୟାର ମାର୍ଶଲ ସେଣ୍ଟ୍ରାଲ ଏୟାର କମାଣ୍ଡ ମୁଖ୍ୟାଳୟକୁ ସଲାମୀ ଦେଇଥିଲେ। ତେବେ କାର୍ଯ୍ୟକ୍ରମର ମହତ୍ତ୍ୱପୂର୍ଣ୍ଣ ପ୍ରସଙ୍ଗ ହେଉଛି ଏହି ପରେଡରେ 31ଜଣ ମହିଳା ଅଗ୍ନିବୀର ସାମିଲ ହୋଇଥିଲେ । ପରେଡରେ ବାୟୁସେନାର ପତାକା ବଦଳାଇବାର ପରମ୍ପରା ଅକ୍ଟୋବର 8ତାରିଖରେ ଆୟୋଜିତ ଏୟାର ସୋରେ ବାୟୁ ସେନାର ଅଧ୍ୟକ୍ଷ କରିବେ ।
