କରୋନା ଚିକିତ୍ସା ସମ୍ବନ୍ଧରେ ଲୋକଙ୍କ ମଧ୍ୟରେ ପ୍ରତିଦିନ ନୂଆ ନୂଆ କଥା ଶୁଣିବାକୁ ମିଳୁଛି । ଏଭଳି ଗୁଜବକୁ ନିୟନ୍ତ୍ରଣ କରିବା ଏବଂ କରୋନା ସଂକ୍ରମିତ ଲୋକମାନେ କ’ଣ କରିବା ଉଚିତ୍, କ’ଣ କରିବା ଉଚିତ୍ ନୁହେଁ ଏବଂ କେଉଁ ଔଷଧ ବ୍ୟବହାର କରିବା ଉଚିତ୍ ସେ ବିଷୟରେ ସଚେତନ କରାଉଛନ୍ତି । ନିକଟରେ ସରକାର କରୋନା ଚିକିତ୍ସା ପାଇଁ ଏକ ନୂତନ ପ୍ରେସକ୍ରିପସନ୍ ଜାରି କରିଛନ୍ତି ।
ଯେଉଁଥିରେ ଉଲ୍ଲେଖ ରହିଛି କରୋନା ସମୟରେ କେଉଁ ଓଷଧ ବ୍ୟବହାର କରାଯିବା ଉଚିତ ନୁହେଁ । ଔଷଧର ନାମ ସ୍ୱାସ୍ଥ୍ୟ ସେବା ନିର୍ଦ୍ଦେଶାଳୟର ୱେବସାଇଟରେ ରଖାଯାଇଛି । ଏପ୍ରିଲରେ ଭାରତର ସର୍ବାଧିକ ବିକ୍ରି ହେଉଥିବା ଔଷଧ ଆଣ୍ଟିଭାଇରାଲ୍ ଫାଭିପିରାଭିର ଏଥିରେ ଅନ୍ତର୍ଭୂକ୍ତ କରାଯାଇ ନାହିଁ । ଏଥି ସହିତ, ଡିଜିଏଚଏସ୍ ଅନୁଯାୟୀ, ଆଣ୍ଟିଭାଇରାଲ୍ ରେମଡେସିଭର୍ ସୀମିତ ବ୍ୟବହାର ପାଇଁ କୁହାଯାଇଛି ।ଜଣେ ବରିଷ୍ଠ ଡାକ୍ତରଙ୍କ ପରାମର୍ଶ ପରେ ରେମଡେସିଭର୍ ବ୍ୟବହାର କରିବାକୁ କୁହାଯାଇଛି । କାରଣ ଏହା ଏକ କ୍ଷତିକାରକ ସମ୍ଭାବ୍ୟ ପରୀକ୍ଷାମୂଳକ ଔଷଧ ଅଟୋ । କରୋନା ରୋଗୀଙ୍କ ପାଇଁ ଦିଆଯାଇଥିବା ନିର୍ଦ୍ଦେଶାବଳୀ ଅନୁଯାୟୀ ବର୍ତ୍ତମାନ କୌଣସି ଆଣ୍ଟିବାୟୋଟିକ୍ ଗ୍ରହଣ କରାଯିବ ନାହିଁ । ରୋଗୀମାନେ ଭିଟାମିନ୍ କିମ୍ବା ଜିଙ୍କ ଟାବଲେଟ୍ ଗ୍ରହଣ କରିବା ଉଚିତ୍ ନୁହେଁ । ରୋଗୀମାନଙ୍କୁ ଆଇଭର୍ମେକ୍ଟିନ ବ୍ୟବହାର ନକରିବାକୁ ପରାମର୍ଶ ଦିଆଯାଇଛି ।ଯଦି ଜ୍ୱର ହୁଏ ତେବେ କେବଳ ପାରାସିଟାମୋଲ ବ୍ୟବହାର କରନ୍ତୁ । ସରକାର ଦେଇଥିବା ନିର୍ଦ୍ଦେଶାବଳୀ ଅନୁଯାୟୀ କରୋନା ରୋଗୀଙ୍କ ପାଇଁ ୬ ମିନିଟର ଚାଲିବାକୁ କୁହାଯାଇଛି । ଏଥି ସହିତ ରୋଗୀଙ୍କୁ ଅନାବଶ୍ୟକ ଭାବରେ ସିଟି ସ୍କାନ ନକରିବାକୁ କୁହାଯାଇଛି । ଗାଇଡଲାଇନରେ ଡାକ୍ତରମାନଙ୍କୁ ମଧ୍ୟ ଏପରି ମତାମତ ନଦେବାକୁ କୁହାଯାଇଛି । ଆପଣଙ୍କୁ କହିରଖୁଛୁ ଯେ କିଛି ଦିନ ପୂର୍ବରୁ ପ୍ଲାଜମା ଥେରାପି ପାଇଁ ସରକାର ଏକ ଗାଇଡଲାଇନ ଜାରି କରିଥିଲେ । ଏହି ଗାଇଡଲାଇନରେ, କୋଭିଡ ଚିକିତ୍ସା ପ୍ରୋଟୋକଲରୁ ପ୍ଲାଜମା ଥେରାପି ବାଦ୍ ପଡିଛି ।
