ନୂଆଦିଲ୍ଲୀ: କୋପେନହେଗନରେ ଚାଲିଥିବା ବିଶ୍ୱ ଚାମ୍ପିଆନସିପର ସପ୍ତାହେ ପରେ ମଙ୍ଗଳବାର ଦିନ ଆରମ୍ଭ ହେଉଥିବା ସିଜିନର ଅନ୍ତିମ ସୁପର 1000 ଟୁର୍ଣ୍ଣାମେଣ୍ଟ –ଚାଇନା ଓପନରୁ ଭାରତୀୟ ଷ୍ଟାର ବ୍ୟାଡମିଣ୍ଟନ ଖେଳାଳି ପିଭି ସିନ୍ଧୁ ଓ କିଦାମ୍ବୀ ଶ୍ରୀକାନ୍ତ ଓହରିଯାଇଛନ୍ତି ।
କୋଭିଡ-19 ଓ ଯାତ୍ରା ପ୍ରତିବନ୍ଧକ କାରଣରୁ 2020ରୁ ଏହି ଟୁର୍ଣ୍ଣାମେଣ୍ଟ ଆୟୋଜିତ ହୋଇପାରୁନଥିଲା । ତେବେ ପୁଣି ଥରେ ନିୟମିତ କ୍ୟାଲେଣ୍ଡରକୁ ପ୍ରତ୍ୟାବର୍ତ୍ତନ କରୁଛି ଏହି ଟୁର୍ଣ୍ଣାମେଣ୍ଟ ।
ଭାରତୀୟ ଦୃଷ୍ଟିକୋଣରୁ ଚଳିତ ମାସର ଶେଷରେ ହେବାକୁ ଥିବା ଏସିଆନ ଗେମ୍ସ ପୂର୍ବରୁ ଏହା ହେଉଛି ଶେଷ ଟୁର୍ଣ୍ଣାମେଣ୍ଟ । ପିଭି ସିନ୍ଧୁ ଓ କିଦାମ୍ବୀ ଶ୍ରୀକାନ୍ତ ସୋମବାର ପ୍ରତିଯୋଗିତାରୁ ହଟିବା ପରେ ମହିଳା ସିଙ୍ଗଲ୍ସରେ କୌଣସି ଭାରତୀୟ ପ୍ରତିଯୋଗି ପ୍ରତିଦ୍ୱନ୍ଦିତା କରିବେ ନାହିଁ । ଉଭୟ ସିନ୍ଧୁ ଓ ଶ୍ରୀକାନ୍ତ ଭାରତର ଏସିଆଡ ଟିମର ଅଂଶ ଅଟନ୍ତି ।
