କିଙ୍ଗ ଖାନ୍ ଶାହାରୁଖ ଖାନଙ୍କ ଫିଲ୍ମ ‘ଯବାନ’ ପ୍ରେକ୍ଷାଳୟରେ ଧମାଲ ସୃଷ୍ଟି କରିବାରେ ଲାଗିଛି। ଚଳଚ୍ଚିତ୍ରଟି ରିଲିଜ ହେବା ଆଗରୁ କ୍ରେଜ ରଖିଥିଲା। ଆଉ ରିଲିଜ ହେବା ମାତ୍ରେ ବକ୍ସ ଅଫିସକୁ କାବୁ କରିବା ସହ ଖୁବ ଜୋରରେ ରୋଜଗାର କରୁଛି।‘ଯବାନ’ ଏହାର ଉଦଘାଟନୀ ଦିବସରେ ବକ୍ସ ଅଫିସରେ ଅନେକ ରେକର୍ଡ ଭାଙ୍ଗିଥିବାବେଳେ ଦ୍ୱିତୀୟ ଦିନରେ ଫିଲ୍ମର ବ୍ୟବସାୟରେ ହ୍ରାସ ଘଟିଥିଲା।
ରିଲିଜ୍ ହେବାର ପ୍ରଥମ ଦିନରେ ‘ଯବାନ’ ୭୫ କୋଟି ଟଙ୍କା ଆୟ କରିଥିଲା। କିନ୍ତୁ ଦ୍ୱିତୀୟ ଦିନରେ ଫିଲ୍ମର ସଂଗ୍ରହରେ ହ୍ରାସ ଘଟିଥିଲା ଏବଂ ଫିଲ୍ମଟି ମାତ୍ର ୫୩ କୋଟି ଟଙ୍କା ବ୍ୟବସାୟ କରିଥିଲା। ବର୍ତ୍ତମାନ ଶାହାରୁଖ ଖାନଙ୍କ ଫିଲ୍ମର ତୃତୀୟ ଦିନର ସଂଗ୍ରହ ମଧ୍ୟ ପ୍ରକାଶ ପାଇଛି। ଖବର ଅନୁଯାୟୀ, ‘ଯବାନ’ ତୃତୀୟ ଦିନରେ ୭୪.୫ କୋଟି ଟଙ୍କା ଆୟ କରିଛି। ଏହା ସହିତ ଚଳଚ୍ଚିତ୍ରର ମୋଟ ସଂଗ୍ରହ ୨୦୨.୭୩ କୋଟିରେ ପରିଣତ ହୋଇଛି।
ଶାହରୁଖ ଖାନଙ୍କ କ୍ରେଜ ଦର୍ଶକଙ୍କ ମଧ୍ୟରେ ଦେଖିବାକୁ ମିଳିଛି। ଚଳଚ୍ଚିତ୍ର ବିଷୟରେ ଲୋକମାନେ କେତେ ଉତ୍ସାହିତ ଥିଲେ ତାହାର ଫଳାଫଳ ସ୍ପଷ୍ଟ ଦେଖାଯାଉଛି। ପ୍ରେକ୍ଷାଳୟରେ ‘ଯବାନ’ ଧମାଲ ସୃଷ୍ଟି କରୁଛି ଏବଂ ଦର୍ଶକ ଏହାକୁ ବହୁତ ଭଲ ପାଉଛନ୍ତି। ଏହି ଫିଲ୍ମ ମାତ୍ର ତିନି ଦିନ ମଧ୍ୟରେ ୨୦୦ କୋଟି ଟଙ୍କା କ୍ଲବରେ ଯୋଗ ଦେଇଛି। ଏହା ରିଲିଜ୍ ହେବା ମାତ୍ରେ ‘ଯବାନ’ ଉଦଘାଟନୀ ଦିନରେ ସର୍ବାଧିକ ଆୟ କରିଥିବା ଚଳଚ୍ଚିତ୍ରର ଟାଇଟଲ୍ ନେଇଥିଲା। ତେବେ ଆଗକୁ ମଧ୍ୟ ଏହା ଆହୁରି ଅଧିକ ରୋଜଗାର କରିପାରେ।