ବ୍ରିଟେନରେ ଦ୍ରୁତ ଗତିରେ ମାଡୁଛି କରୋନା । ରେକର୍ଡ ଭାଙ୍ଗୁଛି ସଂକ୍ରମଣ ସଂଖ୍ୟା । ଗତ ୨୪ ଘଣ୍ଟାରେ ୯୩ହଜାର ୪୫ କେସ୍ ବାହାରିଛି । ଯାହାକି ଲଗାତାର ତୃତୀୟ ଦିନରେ ରେକର୍ଡ । ଲଣ୍ଡନରେ ଓମିକ୍ରନ୍ ଓ ସ୍କଟଲାଣ୍ଡରେ ଡେଲଟା ମାଡୁଛି । ବର୍ତ୍ତମାନ ସୁଦ୍ଧା ବ୍ରିଟେନରୁ ଚିହ୍ନଟ ହୋଇଛି ୧୪ହଜାର ୯୦୯ ଓମିକ୍ରନ୍ କେସ୍ ।
ବ୍ରିଟେନର ସ୍ୱାସ୍ଥ୍ୟ ସୁରକ୍ଷା ଏଜେନ୍ସୀ କହିଛି, ଇଂଲଣ୍ଡରେ ଓମିକ୍ରନ୍ ମାମଲା ବ୍ୟାପୁଛି । କରୋନା ନେଇଛି ୧୧୧ ଜଣଙ୍କର ମୃତ୍ୟୁ । ରିପୋର୍ଟ ଅନୁସାରେ, ପ୍ରତି ୧୦ ଜଣ ସଂକ୍ରମିତ ୧୦ରୁ ୧୨ ଜଣଙ୍କୁ ସଂକ୍ରମିତ କରୁଛନ୍ତି । ଡେଲଟା ତୁଳନାରେ ଦ୍ରୁତ ଗତିରେ ମାଡୁଛି ଓମିକ୍ରନ୍ । ତେବେ ଓମିକ୍ରନ୍ ବିପକ୍ଷରେ କେତେ ପ୍ରଭାବୀ ଟିକା ତାହା ଏଯାଏ ଜଣା ପଡିନି ।
