ଲିଭରକୁ ସୁସ୍ଥ ରଖିବା ପାଇଁ ଏହି ସବୁ ଖାଦ୍ୟ ଆପଣାନ୍ତୁ

ଲିଭରକୁ ସୁରକ୍ଷିତ ରଖିବା ପାଇଁ ପ୍ରାକୃତିକ ଖାଦ୍ୟ ଅଧିକ ମାତ୍ରାରେ ଖାଇବା ଉଚିତ l ଫାଷ୍ଟ ଫୁଡ ,ବଜାରର ଥଣ୍ଡା ପାନୀୟ ଇତ୍ୟାଦି ଦ୍ୱାରା ଆମ ଶରୀରକୁ ଅଧିକ ହାନି ପହଂଚିଥାଏ l ଲିଭରକୁ ସୁସ୍ଥ ରଖିବା ପାଇଁ ଓ ତାର କାର୍ଯ୍ୟ କ୍ଷମତାକୁ ଉନ୍ନତ କରିବା ପାଇଁ କିଛି ଖାଦ୍ୟ ନିୟମିତ ଖାଇବା ଆବଶ୍ୟକ l

ଗାଜର-ଲିଭରର ସ୍ୱାସ୍ଥ୍ୟ ପାଇଁ ଗାଜର ବ୍ୟବହାର କରିବା ନିହାତି ଜରୁରୀ ,ଗାଜରକୁ ରାନ୍ଧିକି ଖାଇବା ଆବଶ୍ୟକ ନୁହେଁ l ଗାଜର ଜୁସରେ କିଛି ମାତ୍ରାରେ ପାଳଙ୍ଗ ଜୁସ ମିଶାଇ ପିବ ଦ୍ଵାର ଲିଭର ମଝବୁତ ହୋଇଥାଏ ଓ ରକ୍ତ ପ୍ରସ୍ତୁତ କରିବାର ପ୍ରକ୍ରିୟା ଦ୍ରୁତ ହୋଇଯାଏ l ଗଜରରେ ଭିଟାମିନ-ଏ ,ଆଣ୍ଟିଆକ୍ସିଡେଣ୍ଟ ରହିଥାଏ ଯାହା ଅନେକ ଗୁଡିଏ ରୋଗରୁ ରକ୍ଷା କରେ l

ସବୁଜ ପନିପରିବା -ବନ୍ଧା କୋବି ,ଫୁଲକୋବି ,କାକୁଡି ,ପାଳଙ୍ଗ ଓ ବିଟ ରୁଟ ବ୍ୟବହାର କରିବା ଲିଭର ପାଇଁ ଅତ୍ୟନ୍ତ ହିତକର l ଏହି ସବୁ ପରିବାକୁ ଆପଣ ଇଛା କଲେ ସାଲାଡ଼ ଓ ଜୁସ ତିଆରି କରି ମଧ୍ୟ ବ୍ୟବହାର କରି ପାରିବେ l ସବୁଜ ପାନିପରିବାରେ ଅଧିକ ମାତ୍ରାରେ ଫାଇବର ମିଳିଥାଏ ,ଯାହା ଲିଭରକୁ ସଫା କରିବାରେ ସାହାଯ୍ୟ କରିଥାଏ l

ହଳଦୀ ଚାହା -ସହଜରେ ମିଳୁଥିବା ପ୍ରାକୃତିକ ଜଡିବୁଟି ଲିଭରର ସ୍ୱାସ୍ଥ୍ୟ ପାଇଁ ନିହାତି ଜରୁରୀ ଅଟେ ହଳଦୀ ଚାହା ଲିଭରକୁ ଶାନ୍ତ ରଖିବାରେ ସାହାଯ୍ୟ କରିଥାଏ l ଗୋଟିଏ ଗ୍ଲାସ ପାଣିରେ ଅଧା ଚାମଚ ହଳଦୀ ଗୁଣ୍ଡ ମିଶାଇ ୧୦ ମିନିଟ ଫୁଟାନ୍ତୁ l ବର୍ତ୍ତମାନ ସେଥିରେ ଦୁଇବୁନ୍ଦା ଲେମ୍ବୁ ରସ ଓ ଗୋଲ ମରିଚ ଗୁଣ୍ଡ ପକାଇ ପିଅନ୍ତୁ ଏହା ଲିଭରକୁ ସୁସ୍ଥ ରଖିବ l

ଗ୍ରୀନ ଟି -ବିଶେଷଜ୍ଞ ମାନଙ୍କ ମତରେ କଫି ଓ ଦୁଗ୍ଧ ମିଶ୍ରିତ ଚାହା ବଦଳରେ ଯଦି ସାମାନ୍ୟ ଗ୍ରୀନ ଟି ର ବ୍ୟବହାର କରାଯାଏ ତେବେ ତାହା ଆପଣଙ୍କ ସ୍ୱାସ୍ଥ୍ୟ ପାଇଁ ଓ ଲିଭର ପାଇଁ ଲାଭ ଦାୟକ ଅଟେ l ଗ୍ରୀନ ଟି କ୍ୟାନ୍ସରରେ ବିପଦକୁ କମ କରିଥାଏ ଏବଂ କୋଲେଷ୍ଟ୍ରଲ ସ୍ତରକୁ ସନ୍ତୁଳନ ରଖେ l