ଶୋଇବା ସମୟରେ ହଠାତ୍ ଉଠିଯିବା । ନିଦରେ ଚାଲିବା କିମ୍ବା ଶୋଇବା ସମୟରେ ହଠାତ୍ ଉଚ୍ଚ ସ୍ୱରରେ ଚିତ୍କାର କରିବା। ଅନେକଙ୍କ କ୍ଷେତ୍ରରେ ଏଭଳି ସମସ୍ୟା ଦେଖିବାକୁ ମିଳିଥାଏ । କିନ୍ତୁ ଆପଣ ଜାଣନ୍ତି କି ଏଭଳି ସମସ୍ୟା କାହିଁକି ଏବଂ କେଉଁ କ୍ଷେତ୍ରରେ ହୁଏ ? କିଛି ଖରାପ ସ୍ୱପ୍ନ ଏହା ପଛର କାରଣ କି?
ଅନେକ ସମୟରେ ଭୟ ହେତୁ ନିଦ ମଧ୍ୟ ଭାଙ୍ଗିଯାଏ। ଏପରିକି ଶୋଇବା ସମୟରେ ଭୟଭୀତ ହୋଇ ନିଦରୁ ଉଠିଗଲା ପରେ ଏବଂ ଚେତନା ଫେରି ପାଇବା ପରେ କ’ଣ ଘଟିଲା ତାହା ମଧ୍ୟ ମନେ ରୁହେନାହିଁ। ସେହି ଭୟର କାରଣ ମଧ୍ୟ ମନେ ରଖିପାରନି। ଅନେକ କ୍ଷେତ୍ରରେ, ଲୋକ ଶୋଇବା ସମୟରେ ମଧ୍ୟ ନିଦରେ ଚାଲିବା ଆରମ୍ଭ କରନ୍ତି।
ଯେତେବେଳେ ଆପଣ ବହୁତ ଚାପରେ ଥାଆନ୍ତି କିମ୍ବା ଅତ୍ୟଧିକ କ୍ଳାନ୍ତ ହୁଅନ୍ତି, ସେତେବେଳେ ଏହା ଆପଣଙ୍କ ସହିତ ହୋଇପାରେ।
ଆପଣଙ୍କ ଶରୀର ଓ ମନ ଆରାମ କରିବାକୁ ସମୟ ପାଇ ନଥିଲେ ମଧ୍ୟ ଏହା ହୁଏ।
ପରିବାରରେ ନାଇଟ ଟେରର ଏକ ଇତିହାସ ଥିବ। ଏମିତି ପରିସ୍ଥିତିରେ ଆପଣଙ୍କ ସହ ମଧ୍ୟ ଏହା ଘଟେ।
ବେଳେବେଳେ ଅତୀତର ଏକ ଆଘାତ ଯାହା ଆପଣଙ୍କ ମନ ଉପରେ ଗଭୀର ପ୍ରଭାବ ପକାଇଥାଏ, ଏଥିପାଇଁ ମଧ୍ୟ ଏମିତି ସମସ୍ୟା ସୃଷ୍ଟି ହୁଏ।
ବେଳେବେଳେ ଆପଣ ଚାପରେ ଥାଆନ୍ତି, କିନ୍ତୁ ଖୋଲାଖୋଲି ଭାବରେ ଏହା ବିଷୟରେ କଥାବାର୍ତ୍ତା କରିପାରନ୍ତନି, କିନ୍ତୁ ମନ ନିଜ ଇଚ୍ଛାରେ କାର୍ଯ୍ୟ କରେ।
ଯେତେବେଳେ ତୁମେ ଗଭୀର ନିଦ୍ରାରେ ଥାଅ, ସେତେବେଳେ ଏହି ଚାପ ସକ୍ରିୟ ପର୍ଯ୍ୟାୟରେ ଆସେ ଓ ତୁମେ ରାତିର ଆତଙ୍କ ଅନୁଭବ କର।
