ପ୍ରୟାଗରାଜ,24 ଫେବୃୟାରୀ – ସଂସାରର ତୀର୍ଥକ୍ଷେତ୍ର ରୂପେ ପ୍ରସିଦ୍ଧ ପ୍ରୟାଗରାଜର ସଂଗମ କୂଳରେ ଆଜି ଆସ୍ଥାର ଭିଡ ଜମିଛି । ପତିତ ପାବନ ମାଆ ଗଙ୍ଗା, ଯମୁନା ଓ ଅଦୃଶ୍ୟ ସରସ୍ୱତୀ ନଦୀକୂଳରେ କଳ୍ପବାସ କରୁଥିବା ଲୋକେ ମାଘ ପୂର୍ଣ୍ଣିମା ଅବସରରେ ପବିତ୍ର ବୁଡ ପକାଇଛନ୍ତି ।
ସମଗ୍ର ମେଳା ଅଞ୍ଚଳରେ ପ୍ରବଳ ଭିଡ ଜମିଛି । ସାଧାରଣ ଲୋକଙ୍କ ସହ ବହୁ ସଂଖ୍ୟାରେ ସାଧକ ଏବଂ ଭିକ୍ଷୁମାନେ ମଧ୍ୟ ମାଘ ପୂର୍ଣ୍ଣିମା ପାଇଁ ପବିତ୍ର ସ୍ନାନ ପାଇଁ ଏଠାରେ ପହଞ୍ଚିଛନ୍ତି। ମାଘ ପୂର୍ଣ୍ଣିମା ପାଇଁ ପ୍ରଶାସନ ପକ୍ଷରୁ ବ୍ୟାପକ ବ୍ୟବସ୍ଥା କରାଯାଇଛି । ପ୍ରୟାଗରାଜ ମେଳା ପ୍ରଶାସନ ଅନୁଯାୟୀ, ମାଘ ମେଳା 2024ର ପ୍ରଥମ ସ୍ନାନ ପର୍ବ ମକର ସଙ୍କ୍ରାନ୍ତି ଅବସରରେ ପ୍ରାୟ 20 ଲକ୍ଷ 90 ହଜାର ଲୋକ ବୁଡ ପକାଇଥିଲେ ।
