ଜାତୀୟ ଖେଳ ପୁରସ୍କାର 2023- ଚିରାଗ-ସାତ୍ତ୍ୱିକଙ୍କୁ ଧ୍ୟାନଚନ୍ଦ ଖେଳରତ୍ନ

ନୂଆଦିଲ୍ଲୀ- ଯୁବ ବ୍ୟାପାର ଓ ଖେଳ ମନ୍ତ୍ରାଳୟ ପକ୍ଷରୁ ବୁଧବାର ଦିନ ଜାତୀୟ ଖେଳ ପୁରସ୍କାର 2023 ଘୋଷଣା କରାଯାଇଛି । ଘୋଷଣା ଅନୁସାରେ, ମେଜର ଧ୍ୟାନଚାନ୍ଦ ଖେଳ ରତ୍ନ ପୁରସ୍କାର 2023 ବ୍ୟାଡମିଣ୍ଟନରେ ବିପୁଳ ଯୋଗଦାନ ପାଇଁ ଚିରାଗ ଚନ୍ଦ୍ରଶେଖର ସେଟ୍ଟୀ ଓ ରଙ୍କିରେଡ୍ଡି ସାତ୍ତ୍ୱିକ ସାଇ ରାଜଙ୍କୁ ପ୍ରଦାନ କରାଯିବ । ଅନ୍ୟ 26ଜଣ ଖେଳାଳିଙ୍କୁ ମଧ୍ୟ ଖେଳ ଓ ଖେଳରେ ଉତ୍କୃଷ୍ଟ ପ୍ରଦର୍ଶନ ପାଇଁ 2023ରେ ଅର୍ଜୁନ ପୁରସ୍କାର ପ୍ରଦାନ କରାଯିବ । ଦ୍ରୁତ ବୋଲର ମହମ୍ମଦ ସାମୀଙ୍କୁ ଟିମ୍ ଇଣ୍ଡିଆ ପାଇଁ ଜବରଦସ୍ତ ପ୍ରଦର୍ଶନ ପାଇଁ ଅର୍ଜୁନ ପୁରସ୍କାର ପ୍ରଦାନ କରାଯିବ । 2024 ଜାନୁୟାରୀ 9ରେ ରାଷ୍ଟ୍ରପତି ଭବନରେ ଆୟୋଜିତ ଏକ ଭବ୍ୟ କାର୍ଯ୍ୟକ୍ରମରେ ରାଷ୍ଟ୍ରପତି ପୁରସ୍କାର ବିଜେତାଙ୍କୁ ଏହି ପୁରସ୍କାର ପ୍ରଦାନ କରିବେ ।