ନୂଆଦିଲ୍ଲୀ- ଭାରତୀୟ ଫୁଟବଲ ଦଳ ଶୁକ୍ରବାର ଦିନ କୁଆଲାଲମପୁରର ବୁକିଟ ଜଲିଲ ଷ୍ଟାଡିୟମରେ 2023 ମର୍ଡେକା କପର ସେମିଫାଇନାଲରେ ଆୟୋଜକ ମାଲେସିଆକୁ ଭେଟିବାକୁ ଯାଉଛି । ଏହି ପ୍ରତିଯୋଗିତାରେ ଏହା ଭାରତୀୟ ଦଳର 18 ତମ ପ୍ରଦର୍ଶନ ଏବଂ 21 ବର୍ଷର ଅନୁପସ୍ଥିତି ପରେ ଟୁର୍ନାମେଣ୍ଟକୁ ଫେରିଛି ଭାରତ ।
ଏହି କାର୍ଯ୍ୟକ୍ରମ ସହିତ ଦଳର ଦୀର୍ଘ ଇତିହାସ ରହିଥିବାରୁ ମର୍ଡେକା କପ୍ ସହିତ ଭାରତର ଏକ ସ୍ୱତନ୍ତ୍ର ସମ୍ପର୍କ ରହିଛି।
ଏଆଇଏଫଏଫ.କମ୍ ଅନୁସାରେ ସ୍ୱାଧୀନତା ପାଇବା ପରଠାରୁ ଭାରତ ମାଲେସିଆର ମର୍ଡେକା କପରେ ଅନ୍ୟ କୌଣସି ଅନ୍ତର୍ଜାତୀୟ ପ୍ରତିଯୋଗିତା ତୁଳନାରେ ଅଧିକ ଥର ଅଂଶଗ୍ରହଣ କରିଛି । ମାଲେସିଆ ଓ ଭାରତ ମଧ୍ୟରେ ଦୀର୍ଘ ସମୟରେ ପ୍ରତିଦ୍ୱନ୍ଦ୍ୱିତା ଲାଗିରହିଛି । 31 ଥର ମୁକାବିଲା ସହିତ ମାଲେସିଆ ଭାରତର ସବୁଠୁ ବଡ ପ୍ରତିଦ୍ୱନ୍ଦ୍ୱି ଅଟେ । ତେଣୁ ବ୍ଲୁ ଟାଇଗର୍ସ ମାନେ ନିଜର ଦକ୍ଷତା ପ୍ରଦର୍ଶନ କରିବା ଓ ନିଜକୁ ପ୍ରତିଷ୍ଠିତ କରିବା ପାଇଁ ପ୍ରବଳ ଉତ୍ସାହୀ ରହିଛନ୍ତି ।
