ଚାଷୀଙ୍କ ଠାରୁ ପିଆଜ କିଣିବେ ସରକାର

ଦେଶ ଭିତରେ ପିଆଜ ମୂଲ୍ୟକୁ ନିୟନ୍ତ୍ରଣରେ ରଖିବା ଲାଗି କେନ୍ଦ୍ର ସରକାର ରପ୍ତାନୀ ଉପରେ ଳଗାଇଥିବା 40 ପ୍ରତିଶତ ଟିକସକୁ ମହାରାଷ୍ଟ୍ରର ଚାଷୀମାନେ ବିରୋଧ କରି ଆନ୍ଦୋଳନ କରୁଛନ୍ତି । ଦେଶର ସବୁଠୁ ବଡ ପିଆଜ ବଜାର ଲାସାଳଗାଓଁକୁ ସେମାନେ ବନ୍ଦ କରିଛନ୍ତି । ଆନ୍ଦୋଳନକାରୀ ଚାଷୀଙ୍କୁ କେନ୍ଦ୍ର ବାଣିଜ୍ୟ ଓ ଶିଳ୍ପମନ୍ତ୍ରୀ ପୀୟୁଷ ଗୋୟଲ ବୁଝାଇବାକୁ ଚେଷ୍ଟା କରିଛନ୍ତି । ଗୋୟଲ କହିଛନ୍ତି ଯେ, ଉଭୟ ଚାଷୀ ଓ ଗ୍ରାହକଙ୍କ ସ୍ୱାର୍ଥକୁ ଦୃଷ୍ଟିରେ ରଖି ରପ୍ତାନୀ କଟକଣା ଳଗାଯାଇଛି । ରପ୍ତାନୀ ପାଇଁ ଚାଷୀମାନଙ୍କ ଆୟ ପ୍ରଭାବିତ ହେବ ବୋଲି ଯେଉଁ ଆାଙ୍କା ପ୍ରକାଶ ପାଇଛି ତାହା ଠିକ୍ ନୁହେଁ । କେନ୍ଦ୍ର ସରକାର 2 ଲକ୍ଷ ଟନ୍ ପିଆଜ କିଣିବେ । ମହାରାଷ୍ଟ୍ରର ଲାସଲଗାଓଁ, ପିମ୍ଫଳଗାଓଁ ଓ ଅହମ୍ମଦନଦଗର ଏବଂ ମଧ୍ୟପ୍ରଦେଶର ସାହପୁରରୁ ପିଆଜ କିଣାଯିବ । ଏନସିସିଏଫ ଓ ନାଫେଡ୍ ପିଆଜ ସଂଗ୍ରହ କରିବେ । ଚାଷୀମାନଙ୍କ ଠାରୁ କ୍ୱିଣ୍ଟାଲ ପିଛା 24ଶହ ଟଙ୍କାରେ ପିଆଜ କିଣାଯିବ । କୌଣସି ଚାଷୀ ତରବର ନହୋଇ ପିଆଜ ବିକନ୍ତୁ ନାହିଁ ବୋଲି ସରକାର କହିଛନ୍ତି ।