ମୁଖ୍ୟାତଃ ଖରାରେ ବେଶୀ ସମୟ ରହିବା ଦ୍ୱାରା ସନ୍ ଟ୍ୟାନିଂ ହୋଇଥାଏ । ବେଳେବେଳେ ଏହି ସମସ୍ୟା ଏତେ ବଢିଯାଏ ଯେ ଲୋକଙ୍କୁ ଉପଯୁକ୍ତ ଚିକିତ୍ସା କରିବାକୁ ପଡିଥାଏ । ଯଦି ଏହାକୁ ଠିକ୍ କରାନଯାଏ, ତେବେ ଏହା ପିଗମେଣ୍ଟେସନ୍ ଏବଂ ଅନ୍ୟ ଚର୍ମ ସମସ୍ୟାରେ ପରିଣତ ହୋଇଯାଏ। ଯଦି ଆପଣ ଏହି ସମସ୍ୟାକୁ ନେଇ ଚିନ୍ତିତ ଅଛନ୍ତି । ତେବେ ଏହିସବୁ ଘରୋଇ ଉପଚାରକୁ ବ୍ୟବହାର କରି ଏହାର ସମାଧାନ କରନ୍ତୁ ।
ତେବେ ଚାଲନ୍ତୁ ଜାଣିବା ସନ୍ ଟ୍ୟାନକୁ ହଟାଇବା ପାଇଁ କିଛି ଘରୋଇ ଉପଚାର ବିଷୟରେ।
ଦହି ଓ ଟମାଟର :
ଗୋଟିଏ ଟମାଟର ଖଣ୍ଡ ନେଇ ତାହା ଉପରେ ଅଧା ଚାମକ ଦହି ପକାନ୍ତୁ। ଏହାପରେ ତାହାକୁ ଟ୍ୟାନ୍ ହୋଇଥିବା ସ୍ଥାନରେ ଘସନ୍ତୁ। ବାରମ୍ବାର ଟମାଟୋ ଉପରେ କିଛି ପରିମାଣର ଦହି ନେଇ ଏହାକୁ ମାଲିସ୍ କରନ୍ତୁ। ତା’ପରେ ଏହାକୁ ଅଧ ଘଣ୍ଟା ପାଇଁ ଛାଡିଦିଅନ୍ତୁ। କିଛି ଦିନ ମଧ୍ୟରେ, ଆପଣଙ୍କର ଏହି ସମସ୍ୟା ଦୂର ହେବ।
କାକୁଡି ଓ ଲେମ୍ବୁ ରସ :
ଏକ ପାତ୍ରରେ କାକୁଡି ରସ ବାହାର କରି ସେଥିରେ ଅଳ୍ପ ବୁନ୍ଦା ଲେମ୍ବୁ ରସ ଏବଂ କିଛି ଗୋଲାପ ଜଳ ମିଶାନ୍ତୁ। ଏହାକୁ କଟନ୍ ସାହାଯ୍ୟରେ ସଫା ମୁହଁରେ ଲଗାନ୍ତୁ ଏବଂ ୧୫ ରୁ ୨୦ ମିନିଟ୍ ପର୍ଯ୍ୟନ୍ତ ଛାଡିଦିଅନ୍ତୁ। ଯଦି ଆପଣ ଚାହାଁନ୍ତି, ଏହାକୁ ଏକ ସ୍ପ୍ରେ ବୋତଲରେ ମଧ୍ୟ ପ୍ରସ୍ତୁତ କରିପାରିବେ। ଏହା ପରେ ଚେହେରାକୁ ପାଣିରେ ଧୋଇ ମଶ୍ଚରାଇଜ୍ କରନ୍ତୁ।
ଚାଉଳ ଗୁଣ୍ଡ ଓ କଫି :
ଏହି ପ୍ୟାକ୍ ସନ୍ ଟ୍ୟାନ୍ ପାଇଁ ବହୁତ ପ୍ରଭାବଶାଳୀ। ଏଥିପାଇଁ କିଛି ଚାଉଳ ଗୁଣ୍ଡ ନେଇ ଏଥିରେ ଅଧା ପରିମାଣର କଫି ମିଶାନ୍ତୁ। ଏହାକୁ ଏକ ପ୍ୟାକ୍ ପରି ପ୍ରସ୍ତୁତ କରନ୍ତୁ ଏବଂ ପ୍ରଭାବିତ ସ୍ଥାନରେ ଲଗାନ୍ତୁ। ଏହା ଚର୍ମକୁ ଉଜ୍ଜ୍ୱଳ କରିବା ସହିତ ସ୍କ୍ରବ୍ ଭଳି ମଧ୍ୟ କାମ କରେ, ତେଣୁ ଏହା ଦ୍ୱିଗୁଣ ଲାଭ ଦେଇଥାଏ।
କଞ୍ଚା କ୍ଷୀର ଓ ହଳଦୀ ପ୍ୟାକ୍ :
କଞ୍ଚା କ୍ଷୀରରେ ଏକ ଚାମଚ ହଳଦୀ ଏବଂ ବେସନ ମିଶାଇ ପେଷ୍ଟ ପରି ପ୍ରସ୍ତୁତ କରନ୍ତୁ। ଏହି ପେଷ୍ଟକୁ ପ୍ରଭାବିତ ସ୍ଥାନରେ ଲଗାନ୍ତୁ ଏବଂ ଏହାକୁ ଅତି କମରେ ୨୦ ରୁ ୨୫ ମିନିଟ୍ ପର୍ଯ୍ୟନ୍ତ ଛାଡିଦିଅନ୍ତୁ। ଏହାପରେ ଓଦା ହାତରେ ମସାଜ୍ କରନ୍ତୁ ଏବଂ ପରେ ପାଣିରେ ଧୋଇ ଦିଅନ୍ତୁ। ଏହା ପରେ ସାବୁନ ବ୍ୟବହାର କରନ୍ତୁ ନାହିଁ।
