ବଢିଲା ଗାଡି କାଗଜପତ୍ର ଅବଧି

ନୂଆଦିଲ୍ଲୀ : ଗାଡି ଚାଳକଙ୍କ ପାଇଁ ଆଶ୍ୱସ୍ତିକର ଖବର। ମୋଟରଯାନ ସଂପର୍କିତ ଫିଟନେସ୍, ପଞ୍ଜିକରଣ, ପରମିଟ୍, ପ୍ରଦୂଷଣ ସାର୍ଟିଫିକେଟ୍ ପରି କାଗଜପତ୍ରର ବୈଧତା ୨୦୨୦ ଡିସେମ୍ବର ୩୧ ପର୍ଯ୍ୟନ୍ତ ବଢାଇବାକୁ ନିଷ୍ପତି ନିଆଯାଇଛି । ସରକାର ତୃତୀୟ ଥର ପାଇଁ ଏହି ସମୟ ସୀମାକୁ ବଢାଇ ଥିବା ଦେଖିବାକୁ ମିଳିଛି । ମହାମାରୀ କରୋନା ସଂକ୍ରମଣକୁ ଦୃଷ୍ଚିରେ ରଖି କେନ୍ଦ୍ର ସଡକ ପରିବହନ ଓ ରାଜମାର୍ଗ ମନ୍ତ୍ରଣାଳୟ ଏଭଳି ନିଷ୍ପତି ନେଇଛନ୍ତି ।