ଭାରତରେ କମୁଛି କରୋନା ମାମଲା, ଗତ 24 ଘଣ୍ଟା ମଧ୍ୟରେ 38,617 ଜଣ ନୂଆ କରୋନା ଆକ୍ରାନ୍ତ ରୋଗୀ ଚିହ୍ନଟ

ଭାରତରେ କରୋନା ସଂକ୍ରମଣ କେସ୍ ବୁଧବାର 89 ଲକ୍ଷ ଅତିକ୍ରମ କରିଛି  । କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରଣାଳୟ ଦ୍ୱାରା ପ୍ରକାଶିତ ତଥ୍ୟ ଅନୁଯାୟୀ ଗତ 24 ଘଣ୍ଟାରେ ଦେଶରେ 38,617 ଟି ନୂଆ କରୋନା ସଂକ୍ରମଣ ହୋଇଥିବାବେଳେ 474 ଜଣଙ୍କର ମୃତ୍ୟୁ ଘଟିଛି  ।  ଏହା ସହିତ 44,739 ଲୋକ ସୁସ୍ଥ ହୋଇଛନ୍ତି  । କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରଣାଳୟ କହିଛି ଯେ ବର୍ତ୍ତମାନ ଦେଶରେ କୋଭିଡ -19 ସଂକ୍ରମଣର ମୋଟ 8,912,907 ମାମଲା ରହିଛି  ।

ଇଣ୍ଡିଆନ୍ କାଉନସିଲ୍ ଅଫ୍ ମେଡିକାଲ୍ ରିସର୍ଚ୍ଚ (ଆଇସିଏମ୍ଆର୍) କହିଛି ଯେ , ମଙ୍ଗଳବାର ଦିନ 9,37,279 ଜଣଙ୍କ ନମୁନା ସଂଗ୍ରହ କରାଯାଇଛି  । ଏପର୍ଯ୍ୟନ୍ତ 12,74,80,186 ଜଣଙ୍କର ସ୍କ୍ରିନିଂ କରାଯାଇଛି  ।  ବର୍ତ୍ତମାନ ଦେଶରେ ସକ୍ରିୟ ମାମଲା ସଂଖ୍ୟା 4,46,805 ଥିବାବେଳେ 83,35,109 ଜଣଙ୍କୁ ଡିସଚାର୍ଜ କରାଯାଇଛି  । ଏଥି ସହିତ ଦେଶରେ କରୋନା ସଂକ୍ରମଣ ହେତୁ 1,30,993 ଜଣଙ୍କର ମୃତ୍ୟୁ ଘଟିଛି  ।

ଏହା ସହିତ ଝାଡଖଣ୍ଡରେ ଗତ 24 ଘଣ୍ଟା ମଧ୍ୟରେ କରୋନା ସଂକ୍ରମଣ ହେତୁ ଆଉ ତିନି ଜଣଙ୍କର ମୃତ୍ୟୁ ଘଟିଛି  ।  ଏହି କାରଣରୁ ରାଜ୍ୟରେ କୋଭିଡ -19 ରୁ ମୃତ୍ୟୁ ସଂଖ୍ୟା 931 କୁ ବୃଦ୍ଧି ପାଇଛି  । ଏଥି ସହିତ, 261 ଜଣଙ୍କର କରୋନା ସଂକ୍ରମିତ ହୋଇଥିବା ନିଶ୍ଚିତ ହେବା ସହିତ ଏପର୍ଯ୍ୟନ୍ତ ମହାମାରୀ ଦ୍ୱାରା ପ୍ରଭାବିତ ହୋଇଥିବା ଲୋକଙ୍କ ସଂଖ୍ୟା 1,06,491 କୁ ବୃଦ୍ଧି ପାଇଛି  ।