ବିବାଦିୟ ବୟାନ ଦେଇ ଫସିଲେ ଅଭିନେତା । ଗୁଜୁରାଟର ଏକ ନିର୍ବାଚନ ରାଲିରେ ବିବାଦିୟ ମନ୍ତବ୍ୟ ଦେଇ ଫସିଲେ ବଲିଉଡ ଅଭିନେତା ପରେଶ ରାୱଲ । ବଙ୍ଗୀୟମାନଙ୍କ ଉପରେ କମେଣ୍ଟ ଦେଇଥିବାରୁ ପୋଲିସ ପଚରାଉଚରା କରୁଥିବାବେଳେ, ତାଙ୍କୁ ଅନେକ ଟ୍ରୋଲ ମଧ୍ୟ କରାଯାଉଛି। ସେହିପରି ପୋଲିସ ପରେଶ ରାୱଲଙ୍କୁ ସୋମବାର ହାଜର ହେବାକୁ କହିଛନ୍ତି ବୋଲି ମିଡିଆ ରିପୋର୍ଟରୁ ଡଜଣାପଡିଛି ।
ପ୍ରକୃତରେ ପରେଶ ରାୱଲ ଏକ ନିର୍ବାଚନ ରାଲିରେ ବିଜେପି ପାଇଁ ପ୍ରଚାର କରୁଥିବାବେଳେ କହିଥିଲେ ଯେ ଗୁଜୁରାଟର ଲୋକମାନେ ମୂଲ୍ୟ ବୃଦ୍ଧି ବହନ କରିବେ କିନ୍ତୁ ପଡ଼ୋଶୀ ବାଂଲାଦେଶୀ ଏବଂ ରୋହିଙ୍ଗ୍ୟା ନୁହଁନ୍ତି। ଏହି ସମୟରେ ପରେଶ ରାୱଲ ମାଛ ରାନ୍ଧିବାକୁ ବ୍ୟବହାର କରିଥିଲେ । ପରେଶ ରାୱଲଙ୍କ ଏହି ମନ୍ତବ୍ୟକୁ କଡ଼ା ସମାଲୋଚନା କରାଯିବା ସହ ବିବୃତ୍ତିକୁ ନେଇ ଉତ୍ତେଜନା ସୃଷ୍ଟି ହୋଇଥିଲା । କିନ୍ତୁ ପରବର୍ତ୍ତୀ ସମୟରେ ଅଭିନେତା ଏନେଇ କ୍ଷମା ମାଗିଥିଲେ।
ତେବେ ରିପୋର୍ଟ ଅନୁଯାୟୀ, ପରେଶ ରାୱଲଙ୍କ ବିରୋଧରେ ଅଭିଯୋଗ କରିଥିଲେ ସାଂସଦ ମହମ୍ମଦ ସଲିମ । ମହମ୍ମଦ ସଲିମ ପୋଲିସକୁ ଲେଖିଥିବା ଏକ ଚିଠିରେ କହିଛନ୍ତି – ପରେଶ ରାୱଲ ଜାଣିଶୁଣି ଶତ୍ରୁତାକୁ ପ୍ରୋତ୍ସାହିତ କରୁଛନ୍ତି। ଏହା ପରେ ତୃଣମୁଳ କଂଗ୍ରେସ ମଧ୍ୟ ତାଙ୍କ ମନ୍ତବ୍ୟ ଉପରେ ତୀବ୍ର ଆପତ୍ତି ଜଣାଇଛନ୍ତି।
