ଭାରତ-ଋଷ ମଧ୍ୟରେ ଏକେ-୨୦୩ ରାଇଫଲ ଏବଂ ୨୦୩୧ ପର୍ଯ୍ୟନ୍ତ ସାମରିକ ସହଯୋଗ ବୃଦ୍ଧି ପାଇଁ ଚୁକ୍ତି ସ୍ୱାକ୍ଷରିତ

ଏହା ସହିତ ୨୦୨୧ ରୁ ୨୦୩୧ ପର୍ଯ୍ୟନ୍ତ ପରବର୍ତ୍ତୀ ଦଶନ୍ଧି ପାଇଁ ସାମରିକ ବୈଷୟିକ ସହଯୋଗକୁ ବୃଦ୍ଧି କରିବାକୁ ଦୁଇ ଦେଶ ଏକ ଚୁକ୍ତିନାମା ମଧ୍ୟ କରିଛନ୍ତି । ଏହି ବୈଠକ ଅବସରରେ ପ୍ରତିରକ୍ଷାମନ୍ତ୍ରୀ ରାଜନାଥ ସିଂ କହିଛନ୍ତି, “ଆମେ ଆଶା କରୁଛୁ ଯେ ଏହି ଚ୍ୟାଲେଞ୍ଜିଙ୍ଗ ପରିସ୍ଥିତିରେ ଋଷ ଭାରତ ପାଇଁ ଏକ ପ୍ରମୁଖ ଅଂଶୀଦାର ହୋଇ ରହିବ । ପ୍ରତିରକ୍ଷା ଉପକରଣର ସହ-ବିକାଶ ଏବଂ ସହ-ଉତ୍ପାଦନ, ଯାହା ଭାରତର ଆତ୍ମନିର୍ଭରଶୀଳତାକୁ ନେଇ ଆଗେଇ ଆସୁଛି ଭାରତ ଏବଂ ଋଷ ମଧ୍ୟରେ ପ୍ରତିରକ୍ଷା ଯୋଗାଯୋଗ ଅତୀତରେ ଦୃଢ ରହିଛି ।

ଋଷିଆର ବୈଦେଶିକ ମନ୍ତ୍ରୀ ସର୍ଗି ଲାଭ୍ରୋଭ ଏବଂ ପ୍ରତିରକ୍ଷା ମନ୍ତ୍ରୀ ସର୍ଗି ଶୋଏଗୁ ରବିବାର ଦିନ ଦିଲ୍ଲୀରେ ପହଞ୍ଚି ଭାରତର ପ୍ରତିପକ୍ଷଙ୍କ ସହିତ ୨/୨ ବୈଠକ କରିଛନ୍ତି । ଏହି ବୈଠକରେ ଉଭୟ ପକ୍ଷ ମଧ୍ୟରେ ରାଇଫଲ ଏବଂ ହେଲିକପ୍ଟର, ପ୍ରତିରକ୍ଷା ଲଜିଷ୍ଟିକ୍ସ, ତୈଳ ଏବଂ ମହାକାଶ ସମେତ ପ୍ରତିରକ୍ଷା ଉତ୍ପାଦନ କ୍ଷେତ୍ରରେ ଦଶଟି ଚୁକ୍ତିନାମା ସ୍ୱାକ୍ଷର କରିବେ ବୋଲି ଆଶା କରାଯାଉଛି ।