ଶୋଇବା ପୂର୍ବରୁ ଭୁଲ୍ ରେ ମଧ୍ୟ ସେବନ କରନ୍ତୁ ନାହିଁ ଏହିସବୁ ଖାଦ୍ୟ

ପତ୍ରଯୁକ୍ତ ପନିପରିବା ଯେପରିକି କୋବି, ବନ୍ଧାକୋବି, ବ୍ରୋକୋଲି ସ୍ୱାସ୍ଥ୍ୟ ପାଇଁ ହିତକର କିନ୍ତୁ ଶୋଇବା ପୂର୍ବରୁ ଏସବୁ ଖାଇବା ଉଚିତ ନୁହେଁ। ଏହିସବୁ ଫାଇବର ଯୁକ୍ତ। ଶୋଇବା ସମୟରେ ଫାଇବର ଯୁକ୍ତ ଖାଦ୍ୟ ହଜମ କରିବାକୁ ଅଧିକ ସମୟ ଲାଗିଥାଏ। ଏହାଦ୍ୱାରା ପାଚନ ସମ୍ବନ୍ଧୀୟ ସମସ୍ୟା ମଧ୍ୟ ହୋଇପାରେ। ଦିନବେଳେ ଏହିସବୁ ଖାଦ୍ୟ ଖାଇବା ହିତକର। କାରଣ ଦିନବେଳେ ଏସବୁ ହଜମ କରିବାକୁ ପର୍ଯ୍ୟାପ୍ତ ସମୟ ଥାଏ।
ଶୋଇବା ପୂର୍ବରୁ ଆଇସକ୍ରିମ ଖାଇବାକୁ ଅଧିକାଂଶ ଲୋକ ପସନ୍ଦ କରନ୍ତି। କିନ୍ତୁ ଏହା ନିଦକୁ ବାଧା ଦେଇଥାଏ। ପାଣିର ଭଳି ଆଇସକ୍ରିମ ହଜମ କରିବା ପାଇଁ ମଧ୍ୟ ସମୟ ଲାଗିଥାଏ। ଫଳରେ ଭଲ ନିଦ ମଧ୍ୟ ହୋଇନଥାଏ। ସୁଗାର ଶରୀରରେ ଉର୍ଜା ବଢାଇବା କାମ କରିଥାଏ। ଯାହାଫଳରେ ସହଜରେ ନିଦ ହୋଇନଥାଏ। ସେଥିପାଇଁ ଶୋଇବା ପୂର୍ବରୁ ଆଇସକ୍ରିମ୍, କେକ୍, କ୍ୟାଣ୍ଡିବାର ଆଦି ସେବନ କରିବା ଅନୁଚିତ।ରାତିରେ ଶୋଇବା ପୂର୍ବରୁ ଟମାଟୋ ମଧ୍ୟ ଖାଇବା ଉଚିତ ନୁହେଁ। ଏହା ନିଦ ଉପରେ ନକାରାତ୍ମକ ପ୍ରଭାବ ପକାଇଥାଏ। ଟମାଟୋରେ ଏମିନୋ ଏସିଡ ରହିଛି। ଏହା ମସ୍ତିସ୍କର ସକ୍ରିୟତାକୁ ବଢ଼ାଇ ଦେଇଥାଏ। ଯାହାଫଳରେ ନିଦ ବିଳମ୍ବରେ ହୋଇଥାଏ।

ଖଟା ଫଳ ସ୍ୱାସ୍ଥ୍ୟ ପାଇଁ ହାନିକାରକ ନୁହେଁ କିନ୍ତୁ ଅତ୍ୟଧିକ ଭିଟାମିନ-ସି ଯୋଗୁଁ ଶୋଇବାରେ ସମସ୍ୟା ହୋଇଥାଏ। ଖଟା ଫଳ ହଜମ ନ ହେଲେ ଏସିଡ଼ିଟି ଓ ଛାତିରେ ଜ୍ବଳନ ହୋଇଥାଏ। ଫଳରେ ନିଦ ହୋଇନଥାଏ। ସେଥିପାଇଁ ରାତିରେ ଖଟା ଫଳ ଖାଇବା ଅନୁଚିତ।ଅଧିକାଂଶ ଲୋକେ ରାତିରେ ମଦ ବା ଆଲକହଲ ପିଇ ଶୁଅନ୍ତି। ଏହାଦ୍ୱାରା ଦିନଯାକର ଥକାପଣ ଦୂର ହୋଇଥାଏ ବୋଲି କୁହନ୍ତି। କିନ୍ତୁ ଶୋଇବା ପୂର୍ବରୁ ଆଲକହଲ ନିଦକୁ ପ୍ରଭାବିତ କରିଥାଏ। ସେଥିପାଇଁ ରାତିରେ ଶୋଇବା ପୂର୍ବରୁ ଆଲକହଲ୍ ସେବନ କରିବା ଉଚିତ ନୁହେଁ। ଭଲ ନିଦ ନ ହେଲେ ଆର ଦିନ ଥକାପଣ ଅନୁଭୂତ ହୋଇପାରେ।ରାତିରେ ଶୋଇବା ପୂର୍ବରୁ କେଫିନ୍ ଯୁକ୍ତ କୌଣସି ଜିନିଷ ସେବନ କରିବା ଉଚିତ ନୁହେଁ, ଏପରିକି ଚକଲେଟ୍ ମଧ୍ୟ ସେବନ କରିବା ଉଚିତ ନୁହେଁ। ଚକଲେଟରେ କେଫିନ୍ ଓ ଏମିନୋ ଏସିଡ୍ ରହିଛି ଯାହା ସ୍ୱାସ୍ଥ୍ୟ ପକ୍ଷେ ଅତ୍ୟନ୍ତ ହାନିକାରକ। ସେଥିପାଇଁ ରାତିରେ ଚକଲେଟ୍ ଖାଇବା ବଦଳରେ ଦିନରେ ଖାଇବା ଉଚିତ।