ନୂଆଦିଲ୍ଲୀ: ଆଇସିସି ପୁରୁଷ କ୍ରିକେଟ ବିଶ୍ୱକପ 2023 ପାଇଁ ଭାରତୀୟ କ୍ରିକେଟ କଣ୍ଟ୍ରୋଲ ବୋର୍ଡ (ବିସିସିଆଇ) ପ୍ରାୟ 4ଲକ୍ଷ ଟିକେଟ ଜାରି କରିବ ।
ବୁଧବାର ଦିନ ରାଜ୍ୟ ଆସୋସିଏସନ୍ ଆୟୋଜନ ସହିତ ବିସିସିଆଇ ଆଲୋଚନା କରିବା ପରେ ବହୁପ୍ରତୀକ୍ଷିତ ଟୁର୍ଣ୍ଣାମେଣ୍ଟ ପାଇଁ ପ୍ରାୟ 4ଲକ୍ଷ ଟିକେଟ ଜାରି କରିବାକୁ ଘୋଷଣା କରିଛି । ଅଧିକରୁ ଅଧିକ କ୍ରିକେଟ ଫ୍ୟାନମାନଙ୍କୁ ଏହି ଟୁର୍ଣ୍ଣାମେଣ୍ଟରେ ସାମିଲ କରିବା ଏବଂ ଏହି ଐତିହାସିକ ଆୟୋଜନରେ ସେମାନଙ୍କର ଭାଗିଦାରୀକୁ ସୁନିଶ୍ଚିତ କରିବା ପାଇଁ ବିସିସିଆଇ ପକ୍ଷରୁ ଏହି ନିଷ୍ପତ୍ତି ନିଆଯାଇଛି ।
