ବିଜେଡିର ବରିଷ୍ଠ ନେତା ତଥା ବିଧାୟକ ଅରୁଣ ସାହୁ ପାର୍ଟିର ବିଧାୟକ ତଥା ସମ୍ବାଦ ଖବରକାଗଜର ସମ୍ପାଦକ ସୌମ୍ୟରଂଜନ ପଟ୍ଟନାୟକଙ୍କୁ ସମାଲୋଚନା କରିବାର ଦିନକ ପରେ ଏବେ ମନ୍ତ୍ରୀ ଅତନୁ ସବ୍ୟସାଚୀ ନାୟକ ତାଙ୍କୁ ଟାର୍ଗେଟ କରିଛନ୍ତି । ସୌମ୍ୟ ପଟ୍ଟନାୟକ ବ୍ଲାକମେଲିଂ କରୁଛନ୍ତି ବୋଲି ଶ୍ରୀ ନାୟକ ଅଭିଯୋଗ କରିଛନ୍ତି ।
ଅତନୁ କହିଛନ୍ତି ଯେ• ସୌମ୍ୟରଂଜନ ପଟ୍ଟନାୟକ ଯେଉଁ ବକ୍ତବ୍ୟ ଦେଉଛନ୍ତି ତାହା ହେଉଛି ଦଳ ବିରୋଧୀ କାର୍ଯ୍ୟ । ସେ ଦଳକୁ, ମୁଖ୍ୟମନ୍ତ୍ରୀଙ୍କ ଦପ୍ତରକୁ ଟାର୍ଗେଟ୍ କରି ବାରମ୍ବାର ଲେଖୁଛନ୍ତି । ଏହା ଆଦୌ ଆଦୌ ଗ୍ରହଣୀୟ ନୁହେଁ ବୋଲି ଅତନୁ ସବ୍ୟସାଚୀ କହିଛନ୍ତି ।
ସେ କହିଛନ୍ତି ଯେ ସାଧାରଣ ଲୋକେ ଏହାକୁ ଗ୍ରହଣ କରିବେନି । ଦଳରେ ରହି ସୌମ୍ୟ ବ୍ଲାକମେଲିଂ କରିବାକୁ ପ୍ରୟାସ କରୁଛନ୍ତି । ବ୍ଲାକମେଲିଂକୁ ଆୟୁଧ କରି ସୌମ୍ୟ ଲକ୍ଷ୍ୟରେ ପହଞ୍ଚିପାରିବେନି ବୋଲି ସେ କହିଛନ୍ତି ।
ସେ କହିଛନ୍ତି ଯେ ସୌମ୍ୟ କ’ଣ ଓ କେତେଥର ଦଳ ବଦଳାଇଛନ୍ତି ସମସ୍ତେ ଜାଣିଛନ୍ତି । ମୁଖ୍ୟମନ୍ତ୍ରୀଙ୍କ ନିର୍ଦ୍ଦେଶରେ ମୁଖ୍ୟମନ୍ତ୍ରୀଙ୍କ ଦପ୍ତର ସାରା ରାଜ୍ୟ ଗସ୍ତ କଲା ଓ ଲୋକଙ୍କ ଅଭିଯୋଗର ସମାଧାନ ହେଲା, ଏଥିରେ ଅସୁବିଧା କଣ ବୋଲି ସେ ପ୍ରଶ୍ନ କରିଛନ୍ତି ।
