ଅନିଲ କପୁର ପତ୍ନୀ ସୁନୀତାଙ୍କ ଜନ୍ମ ଦିନରେ ଉପହାର ଦେଲେ ମର୍ସିଡିଜ୍ କାର୍

ଯାହାର ଫଟୋ ଏବଂ ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଅନିଲ କପୁର ତାଙ୍କ ପତ୍ନୀଙ୍କୁ ଏକ କଳା ମର୍ସିଡିଜ୍-ବେଞ୍ଜ୍-ଜିଏଲ୍ଏସ୍ ୪୫୦ କାର ଉପହାର ଦେଇଛନ୍ତି । ବଲିଉଡର କ୍ୟାମେରାମ୍ୟାନ ଯୋଗେନ ଶାହା ନିଜ ଇନଷ୍ଟାଗ୍ରାମରେ ସୁନୀତା ଏବଂ ଅନିଲଙ୍କ ଫଟୋ ସେୟାର କରି ଏହାର ସୂଚନା ଦେଇଛନ୍ତି ।ସୁନୀତାଙ୍କୁ କାର ଉପହାର ଦେବା ପୂର୍ବରୁ ଅନିଲ କପୁର ତାଙ୍କ ଅଫିସିଆଲ ଇନଷ୍ଟାଗ୍ରାମ ଆକାଉଣ୍ଟରେ ତାଙ୍କ ପତ୍ନୀ ସୁନୀତା କପୁରଙ୍କ ସହ କିଛି ଫଟୋ ସେୟାର କରି ଜନ୍ମଦିନରେ ଅଭିନନ୍ଦନ ଜଣାଇଥିଲେ । ଏଥି ସହିତ, ଏକ ଲମ୍ବା ନୋଟ୍ ଲେଖି ସେ ପୁଣି ଥରେ ନିଜର ପ୍ରେମକୁ ବ୍ୟକ୍ତ କରିଥିଲେ । ପ୍ରଥମ ଫଟୋରେ ଅନିଲ ତାଙ୍କ ପତ୍ନୀଙ୍କ ସହ ହସୁଥିବା ନଜର ଆସିଛନ୍ତି । ଦ୍ୱିତୀୟ ଫଟୋରେ, ଉଭୟ ସାମ୍ନାରୁ କ୍ୟାମେରା ପାଇଁ ପୋଜ୍ ଦେଉଛନ୍ତି । ତୃତୀୟ ଫଟୋରେ ଉଭୟ ପାରମ୍ପାରିକ ପୋଷାକରେ ଖୁବ୍ ସୁନ୍ଦର ଦେଖାଯାଉଛନ୍ତି । ଶେଷ ଫଟୋରେ ଏକ ସେମିନାରର ବୋଲି ଜଣାପଡୁଛି, ଯେଉଁଥିରେ ଉଭୟେ କରତାଳି ଦେଉଥିବାର ଦେଖାଯାଇଛି ।

ଅନିଲ କପୁର ତାଙ୍କ ପତ୍ନୀ ସୁନୀତାଙ୍କ ପାଇଁ ଏକ ରୋମାଣ୍ଟିକ ନୋଟ୍ ମଧ୍ୟ ଲେଖିଛନ୍ତି । ଅଭିନେତା ତାଙ୍କ କ୍ୟାପସନରେ ଲେଖିଛନ୍ତି,ମୋ ଜୀବନର ପ୍ରେମ ପାଇଁ, “ସୁନୀତା କପୁର … ଥାର୍ଡ କ୍ଲାସ୍ ଟ୍ରେନ୍ ର ଡବାରୁ ଯାତ୍ରା କରିବା ଠାରୁ ନେଇ ସ୍ଥାନୀୟ ବସ୍ , ରିକ୍ସାରୁ କଳା ହଳଦିଆ କ୍ୟାବ, ଅର୍ଥନୀତି ଠାରୁ ଆରମ୍ଭ କରି ବ୍ୟବସାୟ ପର୍ଯ୍ୟନ୍ତ ଫାଷ୍ଟକ୍ଲାସ୍ ସିଟ୍, ଦକ୍ଷିଣରେ କରାଇକୁଡି ପରି ଗ୍ରାମରେ ଛୋଟ ଛୋଟ ହୋଟେଲରେ ରହିବା ଠାରୁ ଲେହ-ଲଦାଖର ଏକ ତମ୍ବୁରେ ରହିବା ପର୍ଯ୍ୟନ୍ତ, ଆମେ ମୁହଁରେ ହସ ଏବଂ ହୃଦୟରେ ପ୍ରେମ ସହିତ ଏହିସବୁ କରିଛୁ । ଲକ୍ଷ ଲକ୍ଷ କାରଣ ଅଛି, ଯେଉଁ କାରଣରୁ ମୁଁ ତୁମକୁ ଭଲପାଏ ।”ସେ ଆହୁରି ଲେଖିଛନ୍ତି , ତୁମେ ମୋର ହସର କାରଣ, ଏବଂ କେବଳ ତୁମ କାରଣରୁ ମୋ ସହିତ ଯାତ୍ରା ଏତେ ଖୁସିରେ ସଂପୂର୍ଣ୍ଣ ହୋଇଛି । ମୁଁ ବହୁତ ଭାଗ୍ୟବାନ ଯେ ତୁମେ ମୋ ଜୀବନରେ ସୋଲ୍ ମେଟ୍ ଏବଂ ଜୀବନରେ ପାଟର୍ନର ହୋଇ ଆସିଛ । ଆଜି, ପ୍ରତ୍ୟେକ ଦିନ ଏବଂ ସର୍ବଦା, ହାପି ବର୍ଥ ଡେ’ ।