ଆଜି ବିଶ୍ୱ ରେବିଜ୍ ଡେ
ଜଳାତଙ୍କ ରୋଗ ହେଉଛି ଏକ ଘାତକ ରୋଗ। ସାଧାରଣତଃ ଏହି ବେମାରୀ କୁକୁର କିମ୍ବା ଅନ୍ୟ ଜଙ୍ଗଲୀ ଯନ୍ତୁଙ୍କ କାମୁଡ଼ିବା ଦ୍ୱାରା ବ୍ୟାପିଥାଏ। ତେବେ ଏହି ମାରାତ୍ମକ ରୋଗ ଠାରୁ ଦୁରେଇ ରହିବା ପାଇଁ ବିଭିନ୍ନ ସମୟରେ ସଚେତନତା କାର୍ଯ୍ୟକ୍ରମ ହୋଇଥାଏ। ଏପରିକି ଏହି ରୋଗର ସଚେତନତା ପାଇଁ ଆଜିର ତାରିଖ ଅନୁସାରେ ପ୍ରତିବର୍ଷ ପାଳନ କରାଯାଇଥାଏ। ଏହି ଦିନଟିକୁ ସେପ୍ଟେମ୍ବର ୨୮ ତାରିଖରେ ସମଗ୍ର ବିଶ୍ୱରେ ପାଳନ କରାଯାଇଥାଏ। ଚଳିତ ବର୍ଷ ଏହି ୧୭ତମ ଜଳାତଂକ ଦିବସ ପାଳନ ହେଉଛି। ୨୦୦୭ ମସିହାରେ ଏହି ଦିବସ ପାଳନ କରାଯିବା ପାଇଁ ଘୋଷଣା କରାଯାଇଥିଲା। ଗ୍ଲୋବାଲ ଆଲାଏନ୍ସ ଫର ରାବିଜ କଣ୍ଟ୍ରୋଲ ଦ୍ୱାରା ଘୋଷଣା କରାଯାଇଥିଲା। ପରେ ବିଶ୍ୱ ସ୍ୱାସ୍ଥ୍ୟ ସଂଗଠନ ଏହାକୁ ସମର୍ଥନ ଜଣାଇଥିଲା। ଏହି ଦିନ ପାଳନର ମୁଖ୍ୟ ଉଦ୍ଦେଶ୍ୟ ହେଉଛି କି ଜଳାତଂକ ରୋଗଠାରୁ କିପରି ସୁରକ୍ଷିତ ଓ ଦୁରେଇ ହେବ, ସେ ସମ୍ପର୍କରେ ସଚେତନତା ବାଣ୍ଟିବା। ୧୮୮୫ ମସିହାରେ ପ୍ରଥମ ଜଳାତଂକ ଟିକା ବିକଶିତ କରିଥିବା ଫରାସୀ ରସାୟନ ବିଜ୍ଞାନୀ ତଥା ମାଇକ୍ରୋବିଓଲୋଜିଷ୍ଟ୍ ଲୁଇ ପେଷ୍ଟର୍ଙ୍କର ସେପ୍ଟେମ୍ବର ୨୮ରେ ଦେହାନ୍ତ ହୋଇଥିଲା। ଏହି କାରଣରୁ ପ୍ରତିବର୍ଷ ଏହି ଦିନକୁ ବିଶ୍ୱ ରବି ଦିବସ ଭାବେ ପାଳନ କରାଯାଏ।ବିଶ୍ୱ ଜଳାତଂକ ରୋଗର ଥିମ ପ୍ରତିବର୍ଷ ଏହି ଦିବସ ପାଇଁ ଭିନ୍ନ ଭିନ୍ନ ଥିମ ରହିଥାଏ। ଏହି ବର୍ଷର ଥିମ ‘All for 1, One Health for all’ ରହିଛି। ବିଶ୍ୱ ଜଳାତଂକ ଦିବସ ପାଳନ କରିବାର ଉଦ୍ଦେଶ୍ୟ ହେଉଛି ଏହି ମାରାତ୍ମକ ରୋଗକୁ ରୋକିବା। ଜଳାତଂକ ସାଧାରଣତଃ ବନ୍ୟଜନ୍ତୁମାନଙ୍କଠାରେ ଦେଖାଯାଏ ଏବଂ ଯୁକ୍ତରାଷ୍ଟ୍ରରେ ଏହା ଏକ ସାଧାରଣ ରୋଗ ଅଟେ। ଅବଶ୍ୟ, ଅନ୍ୟାନ୍ୟ ଦେଶରେ କୁକୁର କାମୁଡ଼ିବା ଦ୍ୱାରା ରେବି ହୁଏ। ଯଦିଓ ପ୍ରତିରୋଧ ମାଧ୍ୟମରେ ରେବି ନିୟନ୍ତ୍ରଣ କରାଯାଇପାରିବ, ତଥାପି ରେବିଜ ପ୍ରତିବର୍ଷ ପ୍ରାୟ ୬୦ ହଜାରରୁ ଅଧିକ ମୃତ୍ୟୁ ଘଟାଇଥାଏ।