ପୁଅ ପାଇଁ ଓକିଲ ବଦଳାଇଲେ ଶାହାରୁଖ!

ଗତକାଲି ଆରୟନଙ୍କୁ ଜାମିନ ଦେବା ଉଚିତ ହେବ ନାହିଁ ବୋଲି ଏନସିବି ପକ୍ଷରୁ କୁହାଯିବା ପରେ ଆରୟନଙ୍କ ଜାମିନ ଆବେଦନ ଖାରଜ ହୋଇଥିଲା । ଏଥିରେ ଆରୟନଙ୍କ ଓକିଲ ମାନେସିନ୍ଧେଙ୍କ କୌଣସି ଯୁକ୍ତି କାମ କରିନଥିଲା । ତେବେ ଶାହାରୁଖ ପୁଅ ପାଇଁ ମାନେସିନ୍ଧେଙ୍କୁ  ବଦଳାଇ ଦେଇଛନ୍ତି ବୋଲି ଆଲୋଚନା ହେଉଛି ।

କୁହାଯାଉଛି କିଙ୍ଗ୍ ଖାନଙ୍କୁ ସାହାଯ୍ୟର ହାତ ବଢାଇଛନ୍ତି ସଲମାନ୍ ଖାନ୍ । ଜୁନିଅର କିଙ୍ଗ ଖାନ୍ ଆରୟନଙ୍କ ପାଇଁ ଏଥର ସଲମାନଙ୍କ ଓକିଲ ଅମିତ ଦେସାଇ ଲଢିବେ । ସୂଚନା ମୁତାବକ, ଗତ ୧୧ ତାରିଖରେ ଅମିତ ଆରୟନଙ୍କୁ ଭେଟିବାକୁ ଜେଲ ଯାଇଥିଲେ । ଆରୟନ ସପ୍ତାହେ ହେବ ଜେଲରେ ଅଛନ୍ତି । ବେଲ୍ ମିିଳିବା କୌଣସି ଯାଞ୍ଚ ଉପରେ ନିର୍ଭର କରେନାହିଁ । ତେଣୁ ଏହା ଉପରେ କୌଣସି ଯୁକ୍ତି କରିବାକୁ ଚାହୁଁନାହିଁ । ବରଂ ତାରିଖ ପାଇଁ ଯୁକ୍ତି କରୁଛି ବୋଲି କହିଥିଲେ ଅମିତ ।

ତେବେ ଆରୟନଙ୍କ ଠାରୁ ସେପରି କିଛି ପ୍ରମାଣ ମିଳିନାହିଁ ତଥାପି ଯଦି ଯାଞ୍ଚ ପାଇଁ ଏନସିବି ଆଉ ସପ୍ତାହେ ସମୟ ମାଗୁଛି ତେବେ ଏନସବିକୁ ଫ୍ୟାକ୍ଟ ଦେଖାଇବାକୁ ପଡିବ ବୋଲି କହିଛନ୍ତି ଅମିତ ଦେସାଇ । ଗତ ୧୧ ତାରିଖରେ ଥିବା ଶୁଣାଣିରେ ଆରୟନଙ୍କ ଜାମିନ ଆବେଦନକୁ ଏନଡିପିଏସ୍ କୋର୍ଟ ଖାରଜ କରିବା ପରେ ଆଜି ୨.୩୦ରେ ପୁଣି ଏହା ଉପରେ ଶୁଣାଣି ହେବ । ଏଥିରେ ଅମିତ ଆରୟନଙ୍କ ପାଇଁ ଲଢିବେ ବୋଲି କୁହାଯାଉଛି ।

ଅମିତ ଦେସାଇ ୨୦୧୫ରେ ସଲମାନ ଖାନଙ୍କ ହିଟ ଆଣ୍ଡ୍ ରନ୍ କେସ୍ ଲଢିଥିଲେ । ଏହି ମାମଲାରେ ନିମ୍ନ କୋର୍ଟ ସଲମାନଙ୍କୁ ୫ ବର୍ଷ ଜେଲ ଦଣ୍ଡ ଶୁଣାଇଥିବାବେଳେ ଏହାକୁ ଚ୍ୟାଲେଂଜ କରିଥିଲେ ଅମିତ । ଏଥିରେ ଅମିତଙ୍କର ବିଜୟ ହୋଇଥିଲା । ସେତେବେଳେ ସଲମାନଙ୍କୁ ୩୦ ହଜାର ଟଙ୍କା ମୁଚାଲିକା ବଦଳରେ ଜାମିନ ମିଳିଥିଲା ।