ଆଜି ଠାରୁ ସର୍ବସାଧାଣଙ୍କୁ ଦର୍ଶନ ଦେଉଛନ୍ତି ଶ୍ରୀଜିଉ, ଭକ୍ତଙ୍କ ମଧ୍ୟରେ ପ୍ରବଳ ଉତ୍ସାହ

ଶ୍ରୀମନ୍ଦିରରେ ଆଜି ଠାରୁ ସର୍ବସାଧାରଣଙ୍କୁ ଦର୍ଶନ ଦେବେ ବଡ଼ ଦେଉଳର ବଡ ଠାକୁର। ଶ୍ରଦ୍ଧାଳୁଙ୍କ ଦୀର୍ଘ ଦିନର ଅପେକ୍ଷା ଅନ୍ତ ଘଟିଛି। କରୋନା ମହାମାରୀ ପାଇଁ ଦୀର୍ଘ ୯ ମାସ ଶ୍ରୀମନ୍ଦିର ବନ୍ଦ ରହିଥିଲା। କିଛି ପୂର୍ବରୁ ଶ୍ରୀମନ୍ଦିରରେ ସେବାୟତଙ୍କ ପରିବାର ଦର୍ଶନ କରିବାର ସୁଯୋଗ ପାଇବା ସହ ପୁରୀବାସୀ ଦର୍ଶନ କରିଛନ୍ତି। ଆଜି ଠାରୁ ସର୍ବସାଧାଣଙ୍କ ପାଇଁ ଆରମ୍ଭ ହେବ ଜଗା ଦର୍ଶନ। ଏଥିପାଇଁ କୋଭିଡ ନିୟମ ଅନୁଯାୟୀ ସମସ୍ତ ନୀତି ନିୟମ ପାଳନ ସହ ମାସ୍କ ପିନ୍ଧିବା, ସାମାଜିକ ଦୂରତ୍ୱ ଓ କୋଭିଡ ରିପୋର୍ଟ ବାଧ୍ୟତାମୂଳକ କରାଯାଇଛି। ଏହାସହ ଶ୍ରଦ୍ଧାଳୁଙ୍କୁ ଭୋଟ ପରିଚୟ ପତ୍ର ସାଙ୍ଗରେ ନେବାକୁ ପଡିବ। ୮ଟି କିଓସ୍କ ଦେଇ ଯାଞ୍ଚ ଓ ସ୍କାନିଂ ପରେ ସିଂହଦ୍ୱାର ବାଟେ ପ୍ରବେଶ କରାଯିବ। ଦିନକୁ ୧୫ ହଜାରରୁ ଅଧିକ ଭକ୍ତଙ୍କ ଦର୍ଶନ ସୁବିଧା ମିଳିବା ନେଇ ବ୍ୟବସ୍ଥା କରାଯାଇଛି ।