୧୪ରୁ ଆରମ୍ଭ ହେବ ରାମ ମନ୍ଦିର ନିର୍ମାଣ କାର୍ଯ୍ୟ

ଶ୍ରୀରାମ ଜନ୍ମଭୂମି ତୀର୍ଥକ୍ଷେତ୍ର ଟ୍ରଷ୍ଟର ସାଧାରଶ ସଂପାଦକ ଚମ୍ପତ ରାୟ କହିଛନ୍ତି ଯେ ଅଯୋଧ୍ୟାରେ ଚଳିତ ମାସ ୧୪ ତାରିଖରୁ ରାମ ମନ୍ଦିର ନିର୍ମାଣ କାର୍ଯ୍ୟ ଆରମ୍ଭ କରାଯିବ । ପଥର ସହିତ ତମ୍ବାକୁ ବ୍ୟବହାର କରି ମନ୍ଦିର ନିର୍ମାଣ କରାଯିବ ଯାହାଦ୍ୱାରା ଏହି ବହୁ ବର୍ଷ ଯାଏଁ ତିଷ୍ଠି ରହିବ । କିନ୍ତୁ ଏହି ପ୍ରକ୍ରିୟା ଯୋଗୁ ମନ୍ଦିର ନିର୍ମାଣ ପାଇଁ ବ୍ୟୟ ଅଧିକ ବଢ଼ିଯିବ ।

ସେ ମଧ୍ୟ ସୂଚନା ଦେଇଛନ୍ତି କି ମନ୍ଦିରର ଆଧାର( ଫାଉଣ୍ଡେସନ) ଯେଉଁ ସ୍ଥାନରେ ନିର୍ମାଣ କରାଯିବ, ସେଠାରେ ସରଜୂ ନଦୀର ଧାରା ପ୍ରବାହିତ ହେଉଥିବାର ଜଣାପଡିଛି। ଏହା ଯୋଗୁ ନିର୍ମାଣରେ କିଛିଟା ସମସ୍ୟା ଦେଖାଦେଇପାରେ । ତେବେ ଏକ ସପ୍ତାହ ଭିତରେ ଏହି ସମସ୍ୟାର ସମାଧାନ ବାହାର କରାଯିବ । ଆଇଆଇଟି ବିଶେଷଜ୍ଞମାନେ ଏହି କାର୍ଯ୍ୟରେ ଲାଗିଛନ୍ତି ।