ରାଷ୍ଟ୍ରପତି ମୁର୍ମୁଙ୍କୁ ଡକ୍ଟର ଅଫ୍ ସିଭିଲ୍ ଲ’ ସମ୍ମାନଜନକ ଉପାଧି ପ୍ରଦାନ କଲା ମରିସସ ୟୁନିର୍ଭସିଟି

ନୂଆଦିଲ୍ଲୀ- ମରିସସ ବିଶ୍ୱବିଦ୍ୟାଳୟ ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କୁ ଡକ୍ଟର ଅଫ୍ ସିଭିଲ୍ ଲ’ର ସମ୍ମାନଜନକ ଉପାଧି ପ୍ରଦାନ କରିଛି । ଏହି ଅବସରରେ ରାଷ୍ଟ୍ରପତି ମୁର୍ମୁ ଶିକ୍ଷାକୁ ଶକ୍ତିର ପରିବର୍ତ୍ତନକାରୀ ପ୍ରଭାବରେ ନିଜର ବ୍ୟକ୍ତିଗତ ଅନୁଭବ ସଂପର୍କରେ କହିଥିଲେ । ସେ କହିଥିଲେ ଯେ, ଶିକ୍ଷା ହିଁ ଅଟେ, ଯାହା ଆମ ଅଭାବରେ ଅବସର ଓ ଆଶା ଆଡକୁ ନେଇଥାଏ ।
ତିନି ଦିବସୀୟ ଗସ୍ତରେ ସୋମବାର ମରିସସ ପହଂଚିଥିବା ରାଷ୍ଟ୍ରପତି ମୁର୍ମୁ କହିଛନ୍ତି ଯେ, ଭାରତ ସରକାର ଯୁବକଙ୍କୁ ଶିକ୍ଷିତ ଓ ସଶକ୍ତ କରିବା ଉପରେ ପ୍ରାଥମିକତା ଦେଉଛନ୍ତି । ଭାରତର ଦୂରଦର୍ଶୀ ନୂଆ ଜାତୀୟ ଶିକ୍ଷା ନୀତି ଭାରତର ଜନସାଂଖିକ ଲାଭାଂଶର ଉପଯୋଗ କରି ନୂତନତାର ଏକ ପାୱାର ହାଉସ ହୋଇଯିବ ବୋଲି ରାଷ୍ଟ୍ରପତି ବିଶ୍ୱାସ ପ୍ରକଟ କରିଛନ୍ତି ।
ରାଷ୍ଟ୍ରପତି କହିଛନ୍ତି ଯେ, ଏହି ପ୍ରତିଷ୍ଠିତ ବିଶ୍ୱବିଦ୍ୟାଳୟରୁ ଡକ୍ଟର ଅଫ୍ ସିଭିଲ ଲ’ ସମ୍ମାନଜନକ ଉପାଧି ପାଇ ସେ ବିଶେଷ ଭାବେ ସମ୍ମାନିତ ଅନୁଭବ କରୁଛନ୍ତି ।