ରାୟପୁର, 15 ଜାନୁୟାରୀ – ଛତିଶଗଡର ଜଶପୁର ଜିଲ୍ଲାର ବଗିଚା ଗାଁର ସ୍ୱାମୀ ଆତ୍ମାନନ୍ଦ ହାୟର ସେକେଣ୍ଡାରୀ ସ୍କୁଲ ପରିସରରେ ଆଜି ପ୍ରଧାନମନ୍ତ୍ରୀ ଜନଜାତି ଆଦିବାସୀ ନ୍ୟାୟ ମହାଅଭିଯାନ ଆଧାରରେ ପିଏମ ନରେନ୍ଦ୍ର ମୋଦି ସିଧାସଳଖ ହିତାଧିକାରୀଙ୍କ ସହ ଆଲୋଚନା କରିଛନ୍ତି । ମୋଦି ବିଭିନ୍ନ ଯୋଜନା ଆଧାରରେ ଲାଭିନିତ୍ୱ ହିତାଧିକାରୀ ପାହାଡୀ କୋରୱା ମନକୁମ୍ଭାରୀ ବାଈଙ୍କ ସହ ଆଲୋଚନା କରିଛନ୍ତି ।
ପ୍ରଧାନମନ୍ତ୍ରୀ ମନକୁମ୍ଭାରୀ ବାଈଙ୍କୁ ପଚାରିଥିଲେ ଯେ, ତାଙ୍କୁ ସରକାର କେଉଁ କେଉଁ ଯୋଜନାର ଲାଭ ମିଳିଛି ? ମନକୁମ୍ଭାରୀ କହିଛନ୍ତି ଯେ, ପ୍ରଧାନମନ୍ତ୍ରୀ ଆବାସ ଯୋଜନା ଆଧାରରେ ନିର୍ମିତ ପକ୍କା ଆବାସରେ ରହୁଛନ୍ତି । ପ୍ରଥମେ ବିଜୁଳି ନଥିବା କାରଣରୁ ବହୁତ ସମସ୍ୟା ହୋଇଥିଲା, ଏବେ ସମସ୍ୟା ଦୂର ହୋଇଛି । ପ୍ରଧାନମନ୍ତ୍ରୀ ମୋଦିଙ୍କୁ ମନକୁମ୍ଭାରୀ କହିଛନ୍ତି ଯେ, ତାଙ୍କ ପରିବାରରେ 5ଜଣ ଲୋକ ଥିଲେ । ପ୍ରଥମେ ଜଙ୍ଗଲ ଯାଇ ଶୁଖିଲା କାଠ ଏକାଠି କରୁଥିଲେ, ଏହାକୁ ଜଳାଇ ଖାଇବା ପ୍ରସ୍ତୁତ କରୁଥିଲେ । ଏହି କ୍ରମରେ ବହୁତ ସମୟ ଯାଉଥିଲା, କିନ୍ତୁ ଆଜି ଉଜ୍ଜ୍ୱଳା ଯୋଜନା ଆଧାରରେ ମିଳୁଥିବା ଗ୍ୟାସ ସିଲିଣ୍ଡରରେ ଖାଦ୍ୟ କମ୍ ସମୟରେ ସହଜରେ ତିଆରି ହୋଇପାରୁଛି।
