ଭୁବନେଶ୍ୱର, 19 ଜାନୁଆରୀ – ସମାଜର ସମସ୍ତ ବର୍ଗଙ୍କ ପାଇଁ ନିରନ୍ତର ଅଭିବୃଦ୍ଧି ସୁନିଶ୍ଚିତ କରିବା ପାଇଁ ରାଜ୍ୟ ସରକାର ୫ଟି ପଦକ୍ଷେପ ଅଧୀନରେ ଅନେକ ଯୋଜନା ଏବଂ କାର୍ଯ୍ୟକ୍ରମ କାର୍ଯ୍ୟକାରୀ କରୁଛନ୍ତି । ଏହି ପଦକ୍ଷେପଗୁଡିକର ଲାଭ ଯୋଗ୍ୟ ତଥା ଯୋଗ୍ୟ ବ୍ୟକ୍ତିଙ୍କ ନିକଟରେ ପହଂଚିବା ନିଶ୍ଚିତ କରିବାକୁ, ଉନ୍ନତି ଅଧୀନରେ ରାଜ୍ୟ ବ୍ୟାପି ସଚେତନତା କାର୍ଯ୍ୟକ୍ରମ ସମସ୍ତ ପୌରାଚଂଳ ମାନଙ୍କରେ “ଆମ ଓଡିଶା ନବୀନ ଓଡିଶା, ସହାରୀ” ଆୟୋଜନ କରାଯିବାକୁ ନିଷ୍ପତି ନିଆଯାଇଛି । ଏହା ଜାନୁଆରୀ ୨୨ ତାରିଖ ଠାରୁ ଆରମ୍ଭ ହୋଇ ଫେବୃଆରୀ ୭ ତାରିଖ ପର୍ଯ୍ୟନ୍ତ ଚାଲିବ । ଏ ସଂକ୍ରାନ୍ତରେ ଗୃହ ଏବଂ ନଗର ଉନ୍ନୟନ ବିଭାଗ ପକ୍ଷରୁ ଏକ ବିସ୍ତୃତ ମାର୍ଗଦର୍ଶିକା ପ୍ରଦାନ କରାଯାଇଛି ।
ଏ ନେଇ ପୌର ନିର୍ଦ୍ଦେଶକ ସଂଗ୍ରାମଜିତ ନାୟକ ସମସ୍ତ ଜିଲ୍ଲାପାଳ , ପିଡି ଡୁଡା , ମହାନଗର ନିଗମ କମିଶନର ଏବଂ ସମସ୍ତ ମ୍ୟୁନିସିପାଲିଟି ଏବଂ ଏନଏସିର କାର୍ଯ୍ୟନିର୍ବାହୀ ଅଧିକାରୀଙ୍କୁ ଚିଠି ଲେଖି ଏହି କାର୍ଯ୍ୟକ୍ରମ ଆୟୋଜନ ପାଇଁ ପ୍ରେରିତ ନିର୍ଦ୍ଦେଶାବଳୀ ଅନୁସରଣ କରିବାକୁ ପରାମର୍ଶ ଦେଇଛନ୍ତି ।
ଆମ ଓଡିଶା ନବୀନ ଓଡିଶା (ସହରୀ) କାର୍ଯ୍ୟକ୍ରମର ଏକ ଅଂଶ ଭାବରେ ବିଭିନ୍ନ ଶିବିର ଆୟୋଜନ କରାଯିବ ଏବଂ ନାଗରିକମାନଙ୍କୁ ସରକାରଙ୍କ ବିଭିନ୍ନ ଗୋଷ୍ଠୀ କେନ୍ଦ୍ରିକ ପଦକ୍ଷେପ ବିଷୟରେ ଅବଗତ କରାଇବା ଏବଂ ବିଭିନ୍ନ ଯୋଜନା ଅନ୍ତର୍ଗତ ଲାଭ ହିତାଧିକାରୀଙ୍କ ନିକଟରେ ପହଂଚିବା ସୁନିଶ୍ଚିତ କରିବା ଲାଭ ବଂଟନରେ ସ୍ୱଚ୍ଛତା ଏବଂ ଉତରଦାୟିତ୍ୱ ସୁନିଶ୍ଚିତ କରିବା ସହିତ ସମସ୍ତ କଲ୍ୟାଣ / ବିକାଶ ଯୋଜନା ଏବଂ ସରକାରଙ୍କ ଅନ୍ୟାନ୍ୟ ପଦକ୍ଷେପ ବିଷୟରେ ସୂଚନା ପ୍ରଦାନ କରି ନାଗରିକଙ୍କୁ ସଶକ୍ତ କରିବାକୁ ଏହି କାର୍ଯ୍ୟକ୍ରମଟି ଲକ୍ଷ୍ୟ ରଖାଯାଇଛି ।
ଜାରି କରାଯାଇଥିବା ନିର୍ଦ୍ଦେଶାବଳୀ ଅନୁଯାୟୀ ଜାନୁଆରୀ ୨୨ ତାରିଖରୁ ଫେବୃଆରୀ ୭ ମଧ୍ୟରେ ସମସ୍ତ ପୌରାଚଂଳ ଦ୍ୱାରା ସଚେତନତା ଶିବିର ସହରାଚଂଳ ବିକାଶ ସଂସ୍ଥା (ଡୁଡା) ଦ୍ୱାରା ପ୍ରସ୍ତୁତ କ୍ୟାଲେଣ୍ଡର ଅନୁଯାୟୀ ସମସ୍ତ ୱାର୍ଡକୁ ଅନ୍ତର୍ଭୁକ୍ତ କରାଯିବ ଏବଂ ବିଭିନ୍ନ ଯୋଜନା ଅନ୍ତର୍ଗତ ଲାଭ ମଧ୍ୟ ସ୍ୱଚ୍ଛତା ଅବଲମ୍ୱନ ପୁର୍ବକ ବଂଟନ କରାଯାଇପାରେ । ପୌରାଚଂଳ ଏବଂ ଜିଲ୍ଲା ସହରାଚଂଳ ବିକାଶ ସଂସ୍ଥାରେ ଅନୁଷ୍ଠିତ ହେବାକୁ ଥିବା ଶିବିରଗୁଡିକର ଏକ କାର୍ଯ୍ୟସୂଚୀ ପ୍ରସ୍ତୁତ କରିବ, ସୂଚନା ସଂଗ୍ରହ କରିବ, ସେମାନଙ୍କ ଜିଲ୍ଲା ପାଇଁ ସଂକଳନ କରିବ ଏବଂ ୨୦ ଜାନୁୟାରୀ ୨୦୨୪ କିମ୍ବା ତା ପୂର୍ବରୁ ପୌର ପ୍ରଶାସକ ନିର୍ଦ୍ଦେଶକଙ୍କ ନିକଟକୁ ପଠାଇବାକୁ କୁହାଯାଇଛି ।
କାର୍ଯ୍ୟସୂଚୀ ଅନୁଯାୟୀ ସଂପୃକ୍ତ ଯୋଜନାଗୁଡିକର ହିତାଧିକାରୀଙ୍କୁ ପୌରାଚଂଳର ସଂପୃକ୍ତ ଲାଇନ ବିଭାଗର ଅଧିକାରୀମାନେ ଚିହ୍ନଟ କରିବେ ଏବଂ ସୂଚନା ପ୍ରଦାନ କରିବେ ଏବଂ ସହାୟତା ନିମନ୍ତେ କ୍ୟାମ୍ପ ସମୟରେ ଉପସ୍ଥିତ ରହିବେ ।
ସଂପୃକ୍ତ ଲାଇନ ବିଭାଗଗୁଡିକ ସେମାନଙ୍କ ବିଭାଗର ନିର୍ଦ୍ଦିଷ୍ଟ ଯୋଜନା ବିଷୟରେ ସଚେତନତା ସୃଷ୍ଟି କରିବା ଏବଂ ଯୋଗ୍ୟ ହିତାଧିକାରୀଙ୍କୁ ସୁବିଧା ଯୋଗାଇବା ପାଇଁ କ୍ୟାମ୍ପ ଦିନରେ ସମସ୍ତ ଆବଶ୍ୟକୀୟ ପଦକ୍ଷେପ ଗ୍ରହଣ କରିବେ । ସଂପୃକ୍ତ ବିଭାଗଗୁଡିକ ଟିଭି ବିଜ୍ଞାପନ, ରେଡିଓ ଜିଙ୍ଗଲ୍ସ, ଖବରକାଗଜ ବିଜ୍ଞାପନ, ବ୍ୟାନର ଏବଂ ହୋର୍ଡିଂ ମାଧ୍ୟମରେ ସଚେତନତା ଅଭିଯାନ କରିବେ ଏବଂ ନିଜ ସୋସିଆଲ ମିଡିଆ ଆକାଉଂଟରେ (ଫେସବୁକ୍ ଏବଂ ଟ୍ୱିଟର) ସେମାନଙ୍କ ଯୋଜନା ପ୍ରଚାର କରିବେ । ଶିବିର ସମୟରେ ସ୍ଥାନୀୟ ପ୍ରଦର୍ଶନକାରୀ ଗୋଷ୍ଠୀ ଏବଂ ସମ୍ପ୍ରଦାୟର ଅଂଶଗ୍ରହଣକାରୀଙ୍କ ଦ୍ୱାରା ସାଂସ୍କୃତିକ କାର୍ଯ୍ୟକ୍ରମ ପାଇଁ ବ୍ୟବସ୍ଥା କରାଯିବା ଆବଶ୍ୟକ ।
ରାଜ୍ୟ ସ୍ତରୀୟ କମିଟିର ସଦସ୍ୟ / ଗୃହ ଓ ନଗରଉନ୍ନୟନ ବିଭାଗର ଅଧିକାରୀମାନେ ଏହି ଶିବିର ପରିଦର୍ଶନ କରିବେ ଏବଂ ଆବଶ୍ୟକ ତଦାରଖ କାର୍ଯ୍ୟକ୍ରମ ତଥା ଶିବିରର ସଫଳତା ଜାଣିବା ପାଇଁ କାର୍ଯ୍ୟକ୍ରମ ସମୟରେ ଉପସ୍ଥିତ ରହିବେ । ଏକ ନିର୍ଦ୍ଦିଷ୍ଟ ଦିନରେ ନିର୍ଦ୍ଧାରିତ ଶିବିର ସମାପ୍ତ ହେବା ପରେ, ଜିଲ୍ଲା ସହରାଚଂଳ ବିକାଶ ସଂସ୍ଥା ରେକର୍ଡ ପାଇଁ ବିଭାଗକୁ ସୂଚନା ପ୍ରଦାନ କରିବ । ଦାଖଲ ପାଇଁ ଫର୍ମାଟ୍ ପୃଥକ ଭାବରେ ଯୋଗାଯୋଗ କରାଯିବ । କ୍ୟାମ୍ପ ଦିନରେ ସଚେତନାତା ସାମଗ୍ରୀ ବଂଟନ କରାଯିବ ଏବଂ ଏହି ଯୋଜନା ବିଷୟରେ ବ୍ୟାନର, ଟିଭି କମର୍ସିଆଲ୍, ରେଡିଓ ଜିଙ୍ଗଲ୍ ଏବଂ ଯୋଗାଯୋଗର ଅନ୍ୟାନ୍ୟ ଅଭିନବ ଉପାୟ ଯେପରିକି ସୋସିଆଲ୍ ମିଡିଆ (ଫେସବୁକ୍ ଏବଂ ଟ୍ୱିଟର) ସହିତ ସର୍ବାଧିକ ୩୬୦ ଡିଗ୍ରୀ ସଚେତନତା ଅଭିଯାନ ଆୟୋଜିତ ହେବ । ଗୃହ ଓ ନଗର ଉନ୍ନୟନ ବିଭାଗ ନୋଡାଲ ବିଭାଗ ହେବ ।
ସାମାଜିକ କର୍ମୀ / ସ୍ୱେଚ୍ଛାସେବୀମାନେ ଏହି କାର୍ଯ୍ୟକ୍ରମରେ ସହଯୋଗ ପାଇଁ ନିୟୋଜିତ ହେବେ । ଅଭିଯାନ ଓ କାର୍ଯ୍ୟକ୍ରମର ସଂଗଠନ ସମ୍ବନ୍ଧରେ ଯେକୌଣସି ସମନ୍ୱୟ ପାଇଁ, ଡୁଡା ପିଡି ଜିଲ୍ଲା ସ୍ତରରେ ନୋଡାଲ୍ ଅଧିକାରୀ ଏବଂ କମିଶନର / କାର୍ଯ୍ୟନିର୍ବାହୀ ଅଧିକାରୀ ପୌରାଚଂ ରେ ନୋଡାଲ୍ ଅଫିସର ହେବେ ।
ଜିଲ୍ଲା ସ୍ତରୀୟ କମିଟି ସଚେତନତା ଅଭିଯାନର କାର୍ଯ୍ୟକାରିତାକୁ ତଦାରଖ କରିବେ ଏବଂ ସମୀକ୍ଷା କରିବେ ଏବଂ ଆବଶ୍ୟକ ଅନୁଯାୟୀ କାର୍ଯ୍ୟକ୍ରମର ଉନ୍ନତି ପାଇଁ ପରାମର୍ଶ ଦେବେ । ପୌରପରିଷଦ ସ୍ତରରେ ଥିବା କମିଟି (ମ୍ୟୁନିସିପାଲିଟି କର୍ପୋରେସନ୍ / ମ୍ୟୁନିସିପାଲିଟି / ଏନଏସି) ଏହି କାର୍ଯ୍ୟକ୍ରମର ଆୟୋଜନ ପାଇଁ ସମସ୍ତ ଆବଶ୍ୟକୀୟ ବ୍ୟବସ୍ଥା କରିବ । ଜିଲ୍ଲା ସ୍ତରୀୟ କମିଟି ତରଫରୁ ଗ୍ରହଣ କରାଯାଇଥିବା ପରାମର୍ଶ ଏବଂ ସମୟକ୍ରମେ ସରକାରଙ୍କ ତରଫରୁ ଅନ୍ୟ କୌଣସି ନିର୍ଦ୍ଦେଶନାମାକୁ କାର୍ଯ୍ୟକାରୀ କରିବ । ରେକର୍ଡଗୁଡିକ ଉପରେ ସଠିକ୍ ଡକ୍ୟୁମେେଂଟସନ୍ ପାଇଁ ଶିବିରଗୁଡିକର ସମସ୍ତ କାର୍ଯ୍ୟ ଆରମ୍ଭରୁ ଶେଷ ପର୍ଯ୍ୟନ୍ତ ଭିଡିଓଗ୍ରାଫ୍ ହେବ ।ପିଡି, ଡୁଡା ଶିବିର ସମୟରେ ନାଗରିକମାନଙ୍କୁ ପ୍ରଦାନ କରଯାଉଥିବା ସମସ୍ତ ସୁବିଧା ବିଷୟରେ ସୂଚନା ରଖିବେ ଏବଂ ଦିନ ସାରା ଜିଲ୍ଲାରେ ଧାର୍ଯ୍ୟ ହୋଇଥିବା ସମସ୍ତ ଶିବିର ଶେଷ ହେବା ପରେ ସରକାରଙ୍କୁ ଏକ ବିସ୍ତୃତ ରିପୋର୍ଟ ଦାଖଲ କରିବେ । ଗୃହ ଏବଂ ନଗର ଉନ୍ନୟନ ବିଭାଗ ପ୍ରଶାସନିକ ସୁବିଧାକୁ ଦୃଷ୍ଟିରେ ରଖି ଯେ କୌଣସି ବ୍ୟବସ୍ଥାକୁ ସଂଶୋଧନ କରିପାରିବେ । ଏହି କାର୍ଯ୍ୟକ୍ରମ ସମ୍ବନ୍ଧରେ କୌଣସି ସନ୍ଦେହ ହେଲେ ଗୃହ ଓ ନଗର ଉନ୍ନୟନ ବିଭାଗରେ ସରକାରଙ୍କ ନିକଟକୁ ପଠାଯାଇପାରେ ଯାହାର ନିଷ୍ପତି ଚୂଡାନ୍ତ ହେବ ।
