ସାଇବର ଠକେଇ ନେଇ ଲୋକଙ୍କୁ ସଚେତନ କରିବା ଉପରେ କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରମଣଙ୍କ ଗୁରୁତ୍ୱ

ନୂଆଦିଲ୍ଲୀ, 23 ନଭେମ୍ବର – କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରମଣ ଗୁରୁବାର କହିଛନ୍ତି ଯେ, ସାଇବର ଠକେଇ ନେଇ ଲୋକଙ୍କ ମଧ୍ୟରେ ସଚେତନତା ସୃଷ୍ଟି କରିବାର ଆବଶ୍ୟକତା ରହିଛି ।
ଅର୍ଥମନ୍ତ୍ରୀ ଡିଜିଟାଲ ଏକ୍ସେଲେରେସନ ଆଣ୍ଡ ଟ୍ରାନ୍ସଫର୍ମେସନ ଏକ୍ସପୋ କାର୍ଯ୍ୟକ୍ରମକୁ ସମ୍ବୋଧନ କରି ଏହା କହିଛନ୍ତି । ସେ କହିଛନ୍ତି ଯେ, ଲୋକଙ୍କୁ ଫୋନ କିମ୍ବା ଏସଏମଏସ ଜରିଆରେ ଟାର୍ଗେଟ କରୁଥିବା ସାଇବର ଠକେଇର ମାମଲା ଉପରେ ଅଙ୍କୁଶ ଲଗାଇବା ପାଇଁ ସରକାର ସମୟ ସମୟରେ ସାର୍ବଜନୀନ କ୍ଷେତ୍ରରେ ବ୍ୟାଙ୍କଗୁଡିକର ସମୀକ୍ଷା କରିଥାନ୍ତି । ବ୍ୟାଙ୍କ ନିୟାମକ ରିଜର୍ଭ ବ୍ୟାଙ୍କ ଅଫ୍ ଇଣ୍ଡିଆ ନିଜର ସ୍ୱୟଂ ପ୍ରଣାଳୀର ସମୀକ୍ଷା କରିଥାଏ । ବୀମା କମ୍ପାନୀ ମଧ୍ୟ ନିଜର ପ୍ରଣାଳୀର ସମୀକ୍ଷା କରିଥାଏ । ଯାହା ଆବଶ୍ୟକ ଆମେ ତାକୁ ନିୟମିତ ଭାବେ କରୁଛୁ ।