ଓଡ଼ିଶାସ୍ୱାସ୍ଥ୍ୟ

AIIMSର ଘୋଷଣା,ଏଣିକି ମାଗଣାରେ ହେବ ଫୁସଫୁସ୍ ପ୍ରତିରୋପଣ

ଫୁସଫୁସ କ୍ୟାନସର କ୍ଷେତ୍ରରେ ଭାରତ ବିଶ୍ୱର ଚତୁର୍ଥ ସ୍ଥାନରେ ରହିଛି । ଫୁସଫୁସ କ୍ୟାନସର ଏମିତି ଏକ ଭୟଙ୍କର ରୋଗ,ଯେଉଁଥିରେ ପ୍ରତିବର୍ଷ ଏହି ରୋଗରେ ହଜାର ହଜାର ରୋଗୀ ମୃତ୍ୟୁବରଣ କରୁଛନ୍ତି । ତେବେ ଅନେକ ଏଥିରେ ସଂକ୍ରମିତ ହୋଇ ଅର୍ଥ ଅଭାବରୁ ଫୁସଫୁସ ପ୍ରତିରୋପଣ କରାଇ ନପାରି ମୃତ୍ୟୁମୁଖରେ ପଡୁଛନ୍ତି ।

ତେବେ ଏଭଳି ସ୍ଥିତିରେ ଅଖିଳ ଭାରତୀୟ ଚିକିତ୍ସା ବିଜ୍ଞାନ ପ୍ରତିଷ୍ଠାନ (ଏମ୍ସ) ତରଫରୁ ଏକ ବଡ଼ ଘୋଷଣା କରାଯାଇଛି । ରୋଗୀଙ୍କୁ ଏଣିକି ମାଗଣାରେ ଫୁସଫୁସ ପ୍ରତିରୋପଣ ଚିକିତ୍ସା ଯୋଗାଇ ଦିଆଯିବ । ଏହି ଚିକିତ୍ସା ପାଇଁ ସରକାରୀ ହସ୍ପିଟାଲରେ ରୋଗୀଙ୍କୁ ୫୦ ଲକ୍ଷ ଟଙ୍କା ଖର୍ଚ୍ଚ କରିବାକୁ ପଡ଼ିଥାଏ ।

ସେହିପରି ଘରୋଇ ହସ୍ପିଟାଲରେ ୭୦ ଲକ୍ଷରୁ ୧.୫ କୋଟି ପର୍ଯ୍ୟନ୍ତ ଖର୍ଚ୍ଚ ହୋଇଥାଏ । ତେବେ ଏମ୍ସର ଏହି ପଦକ୍ଷେପ ଫଳରେ ବହୁ ରୋଗୀଙ୍କ ଜୀବନ ବଞ୍ଚିପାରିବ ବୋଲି ଆଶା କରାଯାଉଛି ।

ତେଣୁ ଏମ୍ସ ପ୍ରଶାସନ ପକ୍ଷରୁ କିଛି ରୋଗୀଙ୍କ ପ୍ରତୀକ୍ଷା ସୂଚୀ ପ୍ରସ୍ତୁତ କରି ରାଷ୍ଟ୍ରୀୟ ଅଙ୍ଗ ଓ ଟିସୁ ଟ୍ରାନ୍ସପ୍ଲାଣ୍ଟ ସଂଗଠନ (ନୋଟା)କୁ ପଠାଇ ଦିଆଯାଇଛି । ସେଠାରୁ ଫୁସଫୁସ ମିଳିବା ପରେ ଏମ୍ସ ପକ୍ଷରୁ ପ୍ରତିରୋପଣ ପ୍ରକ୍ରିୟାର ଶୁଭାରମ୍ଭ କରାଯିବବୋଲି ସୂଚନା ମିଳିଛି ।

Show More

Related Articles

Back to top button