ଆସନ୍ତୁ ଜାଣିବା ଲାଲ ରଙ୍ଗର ଫଳ ଓ ପନିପରିବା ବିଶେଷତ୍ୱ

ଆପଣ ଜାଣିଛନ୍ତିକି ଲାଲ ରଙ୍ଗର ଫଳ ଓ ପନିପରିବା ଏକ ବିଶେଷ ଅଣ୍ଟିଆକ୍ସିଡେଣ୍ଟ ଗୁଣ ରହିଛି ,ଯାହା ଆପଣଙ୍କ ଶରୀର ପାଇଁ ଅତ୍ୟନ୍ତ ଲାଭ ଦାୟକ lଆଜି ଆସନ୍ତୁ ଜାଣିବା ଏହି ଫଳ ଓ ପନିପରିବା ଦ୍ୱାରା ସ୍ୱାସ୍ଥ୍ୟକୁ କି ଲାଭ ମିଳିଥାଏ l

* କ୍ୟାନ୍ସର ପ୍ରତିରୋଧକ -ଲାଲ ଫଳ ଓ ପାନିପରିବାରେ ମିଳୁଥିବା ଲାଇକୋପୀନ ଗୋଟିଏ ଏପରି ଆଣ୍ଟିଅକ୍ସିଡାଣ୍ଟ ଯାହା କ୍ୟାନ୍ସର ଠାରୁ ଦୁରେଇ ରଖିବାରେ ସାହାଯ୍ୟ କରିଥାଏ l ଏହି ଆଣ୍ଟିଅକ୍ସିଡାଣ୍ଟ ଶରୀରରେ କ୍ୟାନ୍ସର ସେଲକୁ ବଢିବାକୁ ଦିଅନାହିଁ l ରିସର୍ଚରୁ ଜଣା ପଡିଛି ଯେ ସ୍କିନ କ୍ୟାନ୍ସର ,ଲନ୍ସ କ୍ୟାନ୍ସର ,କୋଲନ କ୍ୟାନ୍ସର ,ବ୍ରେଷ୍ଟ କ୍ୟାନ୍ସର ଇତ୍ୟାଦିକୁ ଅଟକାଇବା ପାଇଁ ଲାଇକୋପୀନ ଅତ୍ୟନ୍ତ ଲାଭଦାୟକ l ପ୍ରୋଷ୍ଟେଟ କ୍ୟାନ୍ସରରେ ଡାକ୍ତର ମାନେ ପୁରୁଷ ମାନଙ୍କୁ ଲାଲ ରଙ୍ଗର ଫଳ ଓ ପନିପରିବା ଅଧିକ ଖାଇବା ପାଇଁ ପରାମର୍ଶ ଦେଇଥାନ୍ତି l

* ହୃତ୍ପିଣ୍ଡକୁ ରଖେ ସୁସ୍ଥ -ଲାଲ ରଙ୍ଗର ଫଳ ଓ ପାନିପରିବାରେ ଲାଇକୋପୀନ ଥିବା କାରଣରୁ ଏହା ଆପଣଙ୍କ ହୃତ୍ପିଣ୍ଡକୁ ସୁସ୍ଥ ରଖିବାରେ ସାହାଯ୍ୟ କରିଥାଏ l ଏହାକୁ ସେବନ କରିବା ଦ୍ୱାରା ବ୍ଲଡ଼ ପ୍ରେସର କଣ୍ଟ୍ରୋଲ ହେବ ସହିତ ଶରୀରରୁ ଖରାପ କୋଲେଷ୍ଟ୍ରଲ କମ ହୋଇଥାଏ l ସେଥିପାଇଁ ହୃଦଗତ ଜନିତ ରୋଗରୁ ରକ୍ଷା ପାଇବା ପାଇଁ ଲାଲ ରଙ୍ଗର ଫଳ ଓ ପନିପରିବା ସେବନ କରିବା ଆବଶ୍ୟକ l

* ଇମ୍ୟୁନିଟି ବଢ଼ିବାରେ ସାହାଯ୍ୟ କରେ -ଲାଲ ଫଳ ଓ ପରିବାରେ ଲାଇକୋପୀନ ସହିତ ଭିଟାମିନ-ସି ଅଧିକ ପରିମାଣରେ ରହିଥାଏ l ଭିଟାମିନ-ସି ଆପଣଙ୍କ ପ୍ରତିରକ୍ଷା ତନ୍ତ୍ରକୁ ମଝବୁତ କରିବାରେ ସହାୟକ ହୋଇଥାଏ l

*ପାଚନ ତନ୍ତ୍ରକୁ ସୁସ୍ଥ ରଖେ -ଏମିତିରେ ଦେଖିବାକୁ ଗଲେ ସମସ୍ତ ଫଳ ଓ ପାନିପରିବାରେ ଫାଇବର ଭରପୁର ମାତ୍ରାରେ ମିଳିଥାଏ l କିନ୍ତୁ ଲାଲ ରଙ୍ଗ ଫଳ ଓ ପରିବାରେ ମହତ୍ୱ ପୂର୍ଣ୍ଣ ଫାଇବର ସହିତ ପ୍ରାକୃତିକ ପାଣି ମଧ୍ୟ ମିଳିଥାଏ l ଯାହା ଦ୍ୱାରା ଆପଣଙ୍କ ଶରୀର ଥଣ୍ଡା ରହିବ ସହିତ ଡିହାଇଡ୍ରେସନରୁ ଦୁରେଇ ରହିଥାଏ l ଏହା ସହିତ ପାଚନ ତନ୍ତ୍ରକୁ ମଝବୁତ କରିଥାଏ ,ଯାହା ଦ୍ୱାରା ଆପଣଙ୍କ ଶରୀର ଫିଟ ରହିଥାଏ l

* ଗଣ୍ଠି ଯନ୍ତ୍ରଣା ପାଇଁ ଉପଯୋଗୀ -ଲାଲ ଫଳ ଓ ପରିବାରେ ଲାଇକୋପୀନ ରହିଥିବା ହେତୁ ଗଣ୍ଠିର ଯନ୍ତ୍ରଣା ଓ ଫୁଲାକୁ କମ କରିବାରେ ସାହାଯ୍ୟ କରେ l ଲାଲ ରଙ୍ଗର ଖାଦ୍ୟ ଅଣ୍ଟିଆକ୍ସିଡେଣ୍ଟରେ ଭରପୁର ଅଟେ l ଏହା ସହିତ ଏଥିରେ ମଧ୍ୟ ଆଣ୍ଟିଅନ୍ଫ୍ଲମେଟୋରି ଗୁଣ ରହିଛି l ଇମଫ୍ଲେମେସନ କାରଣରୁ ଗଣ୍ଠି ଉପରେ ଚାପ ପଡିଥାଏ ଯାହା ଦ୍ୱାରା ଆପଣଙ୍କର ହାଡ ଦୁର୍ବଳ ହୋଇଥାଏ l କିନ୍ତୁ ଆପଣ ଲାଲ ରଙ୍ଗର ଫଳ ଓ ପରିବା ସେବନ କରିବା ଦ୍ୱାରା ଆପଣଙ୍କର ହାଡ ଦୀର୍ଘ ସମୟ ପାଇଁ ସୁସ୍ଥ ରହିବ l