‘କେଜିଏଫ୍ ୧’ର ରେକର୍ଡ ଭାଙ୍ଗିଲା କନ୍ନଡ ଫିଲ୍ମ ‘କାନ୍ତାରା’ । ଋଷଭ ଶେଟ୍ଟୀଙ୍କ କନ୍ନଡ ଫିଲ୍ମ ‘କାନ୍ତାରା ଦିନକୁ ଦିନ ସଫଳତା ପାଉଛି । ଭାଙ୍ଗୁଛି ଅନେକ ରେକର୍ଡ । ସ୍ୱଳ୍ପ ବଜେଟରେ ଆୟ କରିଛି ଦଶ ଗୁଣ
‘କାନ୍ତାରା’ କର୍ଣ୍ଣାଟକର ହୋମ୍ବଲେ ପ୍ରଡକ୍ସନ୍ ହାଉସର ସବୁଠାରୁ ଅଧିକ ଦେଖାଯାଇଥିବା ଫିଲ୍ମ ହୋଇପାରିଛି। ଫୁଟ୍ଫଲ ଦୃଷ୍ଟିରୁ କାନ୍ତାରା କେଜିଏଫକୁ ଅତିକ୍ରମ କରିଛି। କେଜିଏଫ୍ ୧ ର ଫୁଟ୍ଫଲ ବିଷୟରେ କହିବାକୁ ଗଲେ ଏହି ସଂଖ୍ୟା ୭୫ ଲକ୍ଷ ଥିଲା, କିନ୍ତୁ କାନ୍ତାରା କ୍ଷେତ୍ରରେ ଏହା ୭୭ ଲକ୍ଷରେ ପହଞ୍ଚିଛି। ଏନେଇ ଗଣମାଧ୍ୟମ ରିପୋର୍ଟରୁ ସୂଚନା ମିଳିଛି ।
କାନ୍ତାରା ଏକ ସ୍ୱଳ୍ପ ବଜେଟ୍ ଫିଲ୍ମ। କୁହାଯାଉଛି ଫିଲ୍ମଟି ପ୍ରାୟ ୧୫-୨୦ କୋଟି ଟଙ୍କାରେ ନିର୍ମିତ ହୋଇଛି। କିନ୍ତୁ ରୋଜଗାର କ୍ଷେତ୍ରରେ, ଏହାର ମୂଲ୍ୟ ପ୍ରାୟ ଦଶ ଗୁଣ ଅର୍ଜନ କରିଛି। ଫିଲ୍ମର ନିଟ୍ କଲେକ୍ସନ୍ ପ୍ରାୟ ୧୪୫ କୋଟି ଟଙ୍କା ବୋଲି କୁହାଯାଉଛି।
