() କରୋନା ନିଯନ୍ତ୍ରଣ ପାଇଁ ୪ଦିନ ପାଇଁ ସଟଡାଉନ ହେଲା ଗଜପତି। ଏଥିସହ ପାରଳାଖେମୁଣ୍ଡି ସହର, କାଶୀନଗର ଏନଏସି ସମେତ ବ୍ଲକ ମୁଖ୍ୟାଳୟ, ରାଣିପେଣ୍ଠ, ଝାମି, କେରାଣ୍ଡି ଓ କତଲ କଇଠା ପଞ୍ଚାୟତକୁ ପ୍ରଶାସନ ପକ୍ଷରୁ ସଟଡାଉନ ଘୋଷଣା କରାଯାଇଛି । ଆସନ୍ତା ୩୦ ତାରିଖରୁ ଅଗଷ୍ଟ ୨ତାରିଖ ଯାଏ ଗଜପତି ସଟଡାଉନ ନେଇ ଜିଲ୍ଲାପାଳ ଘୋଷଣା କରିଛନ୍ତି । କରୋନା ସଂକ୍ରମଣକୁ ନିୟନ୍ତ୍ରଣ କରିବା ପାଇଁ ଏଭଳି ପଦକ୍ଷେପ ନିଆଯାଇଛି ବୋଲି ପ୍ରଶାସନ ପକ୍ଷରୁ କୁହାଯାଇଛି। କେବଳ ଅତ୍ୟାବଶ୍ୟକ ସେବା ଛାଡି ଦେଲେ ଅନ୍ୟ ସମସ୍ତ ଦୋକାନ ବଜାର ବନ୍ଦ ରହିବ । ଜରୁରୀକାଳିନ ସ୍ବାସ୍ଥ୍ୟସେବା , ଔଷଧ ଦୋକାନ ଓ ଦୁଗ୍ଧ ଦୋକାନ ଖୋଲା ରହିବ। ଅତ୍ୟାବଶ୍ୟକ ସାମଗ୍ରୀ ପରିବହନ କରୁଥିବା ଯାନବାହନ କେବଳ ଜିଲ୍ଲାର ମୁଖ୍ୟ ରାସ୍ତାରେ ଯିବା ଆସିବା କରିପାରିବ । ଆଜି ଗଜପତିରୁ ୮୯ ଜଣ ଆକ୍ରାନ୍ତ ଚିହ୍ନଟ ହୋଇଥିବା ବେଳେ ମୋଟ ଆକ୍ରାନ୍ତଙ୍କ ସଂଖ୍ୟା ୧୧ ଶହ ୪୫ରେ ପହଞ୍ଚିଛି । ଜିଲ୍ଲାରେ ୯ଜଣଙ୍କର ମୃତ୍ୟୁ ହୋଇଥିବା ବେଳେ ୬୭୦ଜଣ ସୁସ୍ତ ହୋଇଛନ୍ତି ଏବଂ ଏବେ ୪୬୬ଟି ସକ୍ରିୟ ମାମଲା ରହିଛି ।
