ଶୀତଦିନେ ଥଣ୍ଡା ଯୋଗୁଁ ଶରୀର ପ୍ରତି ବିଶେଷ ଧ୍ୟାନ ଦେବାକୁ ପଡିଥାଏ। ଏହାସହ କେଉଁ ସମୟରେ କି କି ଖାଦ୍ୟ ଖାଇବେ ଏହା ଜାଣିବା ମଧ୍ୟ ଆବଶ୍ୟକ। ଶୀତଦିନୋ ଥଣ୍ଡା କାଶ ଆଦି ହେବାର ଆଶଙ୍କା ଥାଏ। ତେଣୁ ଥଣ୍ଡା ପାଗରେ ଖାଦ୍ୟ-ପାନୀୟ ପ୍ରତି ସଚେତନ ରହିବାକୁ ପଡିଥାଏ।
ତେବେ ଆସନ୍ତୁ ଜାଣିବା ଥଣ୍ଡା ପାଗରେ କେଉଁ ଖାଦ୍ୟ ଖାଇବା ଉଚିତ୍ ଓ ଅନୁଚିତ୍ –
-ଥଣ୍ଡାପାଗରେ ଭୋକ ଅଧିକ ମାତ୍ରାରେ ବଢିଯାଇଥାଏ। ତେଣୁ ଓଭର ଡାଇଟିଙ୍ଗ କରନ୍ତୁ ନାହିଁ। ଅଧିକ କ୍ୟାଲୋରୀ ଯୁକ୍ତ ଖାଦ୍ୟ ଖାଆନ୍ତୁ ନାହିଁ। ଏହା ଦ୍ବାରା ଶରୀରର ଓଜନ ବୃଦ୍ଧି ହେବା ସହ ଆପଣ ମୋଟା ହୋଇ ପାରନ୍ତି।
-ଥଣ୍ଡାପାଗରେ ଲୁଣ ଓ ଚିନି କମ୍ ମାତ୍ରାରେ ସେବନ କରନ୍ତୁ। ଚା’ ଓ କଫି ବାରମ୍ବାର ପିଅନ୍ତୁ ନାହିଁ।
-ରାତ୍ରି ଭୋଜନରେ ଅଧିକ ଖାଦ୍ୟ ଖାଆନ୍ତୁ ନାହିଁ। ପୁରୀ ବା ପରଠା ଖାଇବାକୁ ଯଦି ଇଚ୍ଛା ହେଉଛି ତେବେ ଦିନରେ ଖାଆନ୍ତୁ। ରାତିରେ ତେଲ ଯୁକ୍ତ ଖାଦ୍ୟ ଖାଆନ୍ତୁ ନାହିଁ।
-ଥଣ୍ଡା ପାଗରେ ଆଳସ୍ୟ କାରଣରୁ କିଛି ଲୋକ ଦୁଇ ଓଳିର ଖାଦ୍ୟ ଗୋଟିଏ ସମୟରେ କରି ରଖି ଦିଅନ୍ତି। କିନ୍ତୁ ଏପରି କରିବା ଆପଣଙ୍କ ଶରୀର ପାଇଁ ହାନିକାରକ ହୋଇପାରେ।
-ବିବାହ ଆଦି ଉତ୍ସବରେ ଅନେକ ଲୋକ କିଛି ନଭାବି ବହୁତ କିଛି ଖାଦ୍ୟ ଖାଇଥାନ୍ତି। ସେଥିରେ ଅଧିକ ମାତ୍ରାରେ ତେଲ ରହିଥିବାରୁ ତାହା ଶରୀର ପାଇଁ ଉପଯୋଗୀ ନୁହେଁ। ତେଣୁ ଏସବୁ ଖାଦ୍ୟରୁ ଦୂରେଇ ରୁହନ୍ତୁ।
-ଥଣ୍ଡାପାଗରେ ପତ୍ରଜନିତ ପରିବା, ଗାଜର, ମୂଳା ଆଦି ଅଧିକରୁ ଅଧିକ ସେବନ କରନ୍ତୁ। ମେଥୀ ଶାଗ, ବଥୁଆ ଶାଗ, ପାଳଙ୍ଗ ଶାଗ, ମୂଳା, ଗାଜର, ବିଟ୍ ଆଦିରେ ପରଠା ପ୍ରସ୍ତୁତ କରି ଖାଇ ପାରିବେ ।
-ଏହି ସମୟରେ ଡ୍ରାଏ ଫ୍ରୁଟ୍ସ ସେବନ କରିବା ଅମୃତ ସମାନ ହୋଇଥାଏ। ବାଦାମ, କାଜୁ, ଅଖରୋଟ୍, କିସମିସ ଆଦି ଖାଇବା ଦ୍ବାରା ଥଣ୍ଡା ଶର୍ଦ୍ଦି ହୋଇନଥାଏ।
-ଏହି ଦିନରେ ଅଧିକ ହଳଦୀ ବ୍ୟବହାର ହେଉଥିବା ଖାଦ୍ୟ ଓ ହଳଦୀ ମିଶ୍ରିତ କ୍ଷୀର ପିଇବା ବେଶ୍ ଉପକାରୀ ।
-ଯଦି ମିଠା ଖାଇବାକୁ ଚାହୁଁଛନ୍ତି ତେବେ ଗାଜର ଖିରୀ ଏବଂ ଖଜୁର ଖିରୀ ଖାଇ ପାରିବେ। କାରଣ ଏଥିରେ ପ୍ରାକୃତିକ ମିଠା ଥାଏ ଯାହା ଶରୀର ଉପକାରୀ । ମାତ୍ର ଏଥିରେ କମ୍ ପରିମାଣରେ ଚିନି କିମ୍ବା ଚିନି ବଦଳରେ ଗୁଡ ବ୍ୟବହାର କରିପାରିବେ ।
