ଜାନୁଆରୀ ୩ରୁ ୧୫-୧୮ ବର୍ଷ ପିଲାଙ୍କ ପାଇଁ କରୋନା ଟିକାକରଣ

ଦେଶବାସୀଙ୍କୁ ସମ୍ବୋଧନ କରି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ କହିଛନ୍ତି ଯେ ଜାନୁଆରୀ ୩ରୁ ୧୫ରୁ ୧୮ ବର୍ଷ ପିଲାଙ୍କ ପାଇଁ କରୋନା ଟିକାକରଣ ଆରମ୍ଭ ହେବ । ସେହିପରି ସ୍ୱାସ୍ଥ୍ୟ ସେବା କର୍ମୀଙ୍କ ପାଇଁ ଜାନୁଆରି ୧୦ରୁ ୩ୟ ଡୋଜ ବା ପ୍ରିକସନ ଡୋଜ୍ ଆରମ୍ଭ ହେବ ବୋଲି ପ୍ରଧାନମନ୍ତ୍ରୀ ଘୋଷଣା କରିଛନ୍ତି ।
ପ୍ରଧାନମନ୍ତ୍ରୀ କହିଛନ୍ତି ଯେ ବିଶ୍ୱରେ ଅନେକ ଦେଶରେ ଓମିକ୍ରନ ବଢ଼ିଛି ।

ଭାରତରେ ବି ଓମିକ୍ରନ ଚିହ୍ନଟ ହେଲେଣି । ଏହା ସତର୍କ ରହିବା ସମୟ, ସାବଧାନ ରହିବା । ଆତଙ୍କିତ ହୁଅନ୍ତୁନି, ସାବଧାନ ଓ ସତର୍କ ରୁହନ୍ତୁ । ଭୟଭୀତ ହେବାନାହିଁ, ଆମେ ସମସ୍ତେ ମାସ୍କର ପୂର୍ଣ୍ଣ ବ୍ୟବହାର କରିବା ।

୧.୪୦ଲକ୍ଷ ଆଇସିୟୁ ବେଡ, ୫ଲକ୍ଷ ଅକ୍ସିଜେନ ବେଡ ରହିଛି । ଦେଶରେ ୯୦ ପ୍ରତିଶତ ଲୋକଙ୍କୁ କରୋନାଟିକା ଦିଆ ସରିଛି । ୬୧%ରୁ ଅଧିକ ଲୋକ କରୋନା ଦ୍ୱିତୀୟ ଟିକା ନେଇଛନ୍ତି । ଏ ପର୍ଯ୍ୟନ୍ତ ୧୪୧ କୋଟି ଡୋଜ ଟିକା ଦିଆଯାଇଛି ବୋଲି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ପ୍ରକାଶ କରିଛନ୍ତି ।