କରୋନା ଭାଇରସରୁ ସୁରକ୍ଷା ପାଇବା ପାଇଁ ସାମାଜିକ ଦୂରତା ଅପେକ୍ଷା ମାସ୍କ ଅଧିକ ଲାଭବାନ ହୋଇଥାଏ। ନିକଟରେ ପ୍ରକାଶିତ ଏକ ଅଧ୍ୟୟନରୁ ଏହି ସୂଚନା ମିଳିଛି। ଅନୁସନ୍ଧାନକାରୀମାନେ ଜାଣିବାକୁ ପାଇଛନ୍ତି ଯେ କେବଳ ତିନି ମିଟର ଦୂରତା ଅବଲମ୍ବନ କରିବା ତୁଳନାରେ ମୁହଁରେ ମାସ୍କ ବ୍ୟବହାର କରିବା ଦ୍ୱାରା ୨୨୫ ଗୁଣ ବିପଦ କମିଥାଏ।
କରୋନା ମହାମାରୀ ଆରମ୍ଭରୁ ବିଶେଷଜ୍ଞମାନେ ମାସ୍କର ମହତ୍ତ୍ୱ ବିଷୟରେ ବୁଝାଉଛନ୍ତି। ନୂଆ ଭାରିଆଣ୍ଟ ଓମିକ୍ରନ୍ ର ସୁରକ୍ଷା ପାଇଁ, ବିଶେଷଜ୍ଞମାନେ ହାତର ସ୍ୱଚ୍ଛତା, ସାମାଜିକ ଦୂରତା ସହିତ ମାସ୍କର ବ୍ୟବହାର ବିଷୟରେ ଆଲୋଚନା କରିଛନ୍ତି। ଜର୍ମାନୀ ଏବଂ ଆମେରିକାର ବିଶେଷଜ୍ଞ କହିଛନ୍ତି, ସୋସିଆଲ୍ ଡିଷ୍ଟାନ୍ସ ଅପେକ୍ଷା ଚେହେରାକୁ ଘୋଡାଇ ରଖିବା ଦ୍ୱାରା ଅଧିକ ସୁରକ୍ଷା ମିଳିଥାଏ।
ଯଦି ଆପଣ ସଂକ୍ରମିତ ବ୍ୟକ୍ତିଙ୍କ ନିକଟରେ ୩ ମିଟର ଦୂରରେ ୫ ମିନିଟ୍ ଛିଡା ହୁଅନ୍ତି ଏବଂ ଉଭୟେ ମାସ୍କ ପିନ୍ଧି ନାହାଁନ୍ତି, ତେବେ କୋଭିଡର ଶିକାର ହେବାର ସମ୍ଭାବନା ୯୦ ପ୍ରତିଶତ ହୋଇଥାଏ। ଯଦି ସେହି ସମୟରେ, କେହି ସର୍ଜିକାଲ୍ ମାସ୍କ ପିନ୍ଧନ୍ତି, ତେବେ ସଂକ୍ରମିତ ହେବାର ଆଶଙ୍କା ୯୦ ମିନିଟ୍ ହୋଇଥାଏ। ସେହିପରି ଉଭୟ ମେଡିକାଲ୍ ଗ୍ରେଡ୍ FFP2 ମାସ୍କ ପିନ୍ଧନ୍ତି ଏବଂ କିଛି ଦୂରରେ ଠିଆ ହୁଅନ୍ତି, ତେବେ ଏକ ଘଣ୍ଟା ପରେ ଭାଇରସ୍ ବିସ୍ତାର ହେବାର ଆଶଙ୍କା ୦.୪ ପ୍ରତିଶତ ହୋଇଥାଏ। ଗୋଟିଙ୍ଗେନ୍ ଏବଂ କର୍ଣ୍ଣେଲ୍ ବିଶ୍ୱବିଦ୍ୟାଳୟର ବିଶେଷଜ୍ଞମାନେ କହିଛନ୍ତି, ଅଧ୍ୟୟନରୁ ମିଳିଥିବା ସୂଚନା ଅନୁଯାୟୀ ‘ସାମାଜିକ ଦୂରତା କମ୍ ଉପଯୋଗୀ ହୋଇଥାଏ।’ ଏକ ବୃହତ ସମୀକ୍ଷାରୁ ଜଣାପଡିଛି ଯେ ମାସ୍କର ବ୍ୟାପକ ବ୍ୟବହାର ସଂକ୍ରମଣର ହାରକୁ ୫୦% ହ୍ରାସ କରିଥାଏ। ଏହା ଏକାକୀ ସାମାଜିକ ଦୂରତ୍ୱରୁ ମିଳୁଥିବା ସୁରକ୍ଷାରୁ ଦୁଇଗୁଣ ଅଧିକ ହୋଇଥାଏ।
