ଓଡ଼ିଶାମୁଖ୍ୟ ଖବର

୭ ଜିଲ୍ଲାରେ ଘନ କୁହୁଡ଼ି, ସତର୍କ ରହିବାକୁ ଏସ୍‌ଆର୍‌ସିଙ୍କ ପରାମର୍ଶ

ଆଭ୍ୟନ୍ତରଣ ଓଡ଼ିଶା ସମେତ ଝାରସୁଗୁଡ଼ାରେ ଶୀତ ପ୍ରବାହ ଜାରି ରହିଥିବାବେଳେ ୭ ଜିଲାରେ ଘନକୁହୁଡ଼ିର ପ୍ରଭାବ ରହିଛି

ଜଗତସିଂହପୁର, ପୁରୀ, ଖୋର୍ଦ୍ଧା, ନୟାଗଡ଼, କନ୍ଧମାଳ, ବୌଦ୍ଧ ଓ ଗଞ୍ଜାମ ଜିଲାରେ ଶନିବାର ରାତିରୁ ରବିବାର ସକାଳ ୮.୩୦ଟା ପର୍ୟ୍ୟନ୍ତ କେତୋଟି ସ୍ଥାନରେ ଘନକୁହୁଡ଼ି ଦେଖାଯିବ ବୋଲି ଆଞ୍ଚଳିକ ପାଣିପାଗ ବିଭାଗ ପକ୍ଷରୁ ଆକଳନ କରାଯାଇଛି। ଏହାକୁ ଦେଖି ଏ ସମସ୍ତ ସ୍ଥାନରେ ୟେଲୋ ୱାର୍ଣ୍ଣିଂ ଜାରି କରାଯାଇଛି। ଏହି ସବୁ ଜିଲାର ଜିଲାପାଳ ଓ ଏସପିଙ୍କୁ ସତର୍କ ରହିବାକୁ ସ୍ବତନ୍ତ୍ର ରିଲିଫ କମିଶନର(ଏସଆରସି)ଙ୍କ ପକ୍ଷରୁ ନିର୍ଦେଶ ଦିଆଯାଇଛି। ଉପରୋକ୍ତ ଅଞ୍ଚଳର ପୁଲିସ ଓ ପରିବହନ ଅଧିକାରୀ ଦୁର୍ଘଟଣାକୁ ଏଡ଼ାଇବାକୁ ଆବଶ୍ୟକୀୟ ପଦକ୍ଷେପ ନେବାକୁ ଡିଜି ଓ ପରିବହନ କମିଶନରଙ୍କୁ ଏସଆରସିଙ୍କ ପକ୍ଷରୁ ଚିଠି ଲେଖାଯାଇଛି।

 

winter

ଆସନ୍ତା ଦୁଇ ଦିନ ପର୍ୟ୍ୟନ୍ତ ରାତ୍ରିର ତାପମାତ୍ରାରେ କୌଣସି ପରିବର୍ତ୍ତନ ଦେଖା ଦେବନି। ଆଭ୍ୟନ୍ତରୀଣ ଓଡ଼ିଶାର କେତେକ ସ୍ଥାନରେ ସର୍ବନିମ୍ନ ତାପମାତ୍ରା ୨ରୁ ୩ ଡିଗ୍ରୀ କମ୍ ରହିବ। ପରବର୍ତ୍ତୀ ସମୟରେ ଆଭ୍ୟନ୍ତରୀଣ ଓଡ଼ିଶାରେ ରାତିର ତାପମାତ୍ରା ୩-୪ ଡିଗ୍ରୀ ବୃଦ୍ଧି ପାଇବାକୁ ଥିବାବେଳେ ଉପକୂଳରେ ୨ ଡିଗ୍ରୀ ବୃଦ୍ଧି ପାଇବ ବୋଲି ପାଣିପାଗ ବିଭାଗ ପକ୍ଷରୁ ଆକଳନ କରାଯାଇଛି।
ଫୁଲବାଣୀରେ ସର୍ବନିମ୍ନ ତାପମାତ୍ରା ସବୁଠୁ କମ୍ ରହିଛି। ଏଠାରେ ରାତ୍ରିର ତାପମାତ୍ରା ୫.୮ ଡିଗ୍ରୀ ରହିଥିବାବେଳେ ଝାରସୁଗୁଡ଼ାରେ ୭.୬, ଦାରିଙ୍ଗବାଡ଼ିରେ ୮, ସୁନ୍ଦରଗଡ଼ରେ ୮.୫, ରହିଛି।

Show More

Related Articles

Back to top button