କୋରାପୁଟ କଳାଜିରା ଧାନକୁ ମିଳିଲା ଜି.ଆଇ ଟ୍ୟାଗ୍। ନାବାର୍ଡ ଏବଂ ଓଡ଼ିଶା ସରକାରଙ୍କ ସହଯୋଗରେ କୃଷି ଏବଂ କୃଷକ ସଶକ୍ତିକରଣ ବିଭାଗ ଦ୍ୱାରା ଏହି ଟ୍ୟାଗ ପ୍ରଦାନ କରାଯାଇଛି। ଧାନ ଆମ ରାଜ୍ୟର ଏକ ମୁଖ୍ୟ ଫସଲ । ଚାଷ ହେଉଥିବା ଧାନ ସବୁ ମୋଟା, ସରୁ, ମଧ୍ୟମ କିସମର ଏବଂ କମ୍ ବା ଅଧିକ ଅବଧିଯୁକ୍ତ ।କୃଷକ ଉତ୍ପାଦକ କମ୍ପାନି ଜୈବିକ୍ ଏସଆରଆଇ “କୋରାପୁଟ କାଲାଜିରା ଚାଉଳ” ପାଇଁ ଜିଆଇ ଟ୍ୟାଗ୍ ପାଇଲା। ଏହି ଚାଉଳ ଜମି, ସ୍ଥାନୀୟ ସମ୍ପ୍ରଦାୟର ସଂସ୍କୃତି ସହିତ ଜଡ଼ିତ। ଏହାଛଡ଼ା ପୁଷ୍ଟିକର ଖାଦ୍ୟ, ରନ୍ଧନ ଗୁଣ, ସୁଗନ୍ଧ ସହିତ ବାୟୋଟିକ୍ ଏବଂ ଆବିଓଟିକ୍ ଚାପ ସହ ଅନୁକୂଳ। କୋରାପୁଟ ଜିଲ୍ଲାର କୃଷକମାନଙ୍କ ପାଇଁ ଏହା ହେଉଛି ସ୍ୱୀକୃତି। ଯେଉଁମାନେ ଚାଉଳ ଜୈବ ବିବିଧତା ସଂରକ୍ଷଣ କରିଛନ୍ତି ଏବଂ ସେମାନଙ୍କର ଆର୍ଥିକ ସୁସ୍ଥତା ପାଇଁ ଅବଦାନ ଦେଇଛନ୍ତି। ପ୍ରଗତି, କୋରାପୁଟ ନାବାର୍ଡ ଏବଂ ଏଡେଲଗାଇଭ ଫାଉଣ୍ଡେସନର ସହଯୋଗରେ୧ ହଜାର ଏକରରେ କଳାଜିରା ଚାଉଳକୁ ପ୍ରୋତ୍ସାହନ ଦେଉଛି। କେବଳ ଏତିକି ନୁହେଁ ଏଫପିସି ମାଧ୍ୟମରେ କାଲାଜିରା ଚାଉଳର ମୂଲ୍ୟ ବୃଦ୍ଧି, ବ୍ରାଣ୍ଡିଂ ଏବଂ ମାର୍କେଟିଂକୁ ଉନ୍ନତ କୃଷି ବିଜ୍ଞାନ ମାଧ୍ୟମରେ ପ୍ରୋତ୍ସାହିତ କରୁଛି। ଏହି ଧାନର ଔଷଧୀୟ ଗୁଣ ରହିଥିବା ବେଳେ ଡାଇବେଟିସ୍ ରୋଗୀଙ୍କ ବିଶେଷ ଲାଭ ମିଳୁଥିବା ସୂଚନା ମିଳିଛି।
କଳାଜିରା ଧାନର ଉତ୍ପତି ସ୍ଥଳି କୁହାଯାଉଥିବା କୋରାପୁଟ ଜିଲ୍ଲାର ଜୟପୁର ଅଂଚଳରୁ ଏବେ ଏହି ଦେଶୀ ଔଷଧୀୟ ଜଳାଜିରା ଧାନ କିନ୍ତୁ ଗାୟବ ହେବାରେ ଲାଗିଛି। ଦେଶୀୟ ବାସନା ଧାନର ଚାହିଦା ଅନ୍ୟ ଧାନ ତୁଳନାରେ ଅଧିକ ରହିଥିବା ବେଳେ ଏହାର ଅମଳ ଖୁବ୍ କମ ହୋଇଥାଏ । ତେଣୁ କାଁଭାଁ କିଛି ହାତ ଗଣତି ଚାଷୀଙ୍କୁ ବାଦ୍ ଦେଲେ କଳାଜିରା ଚାଷ କରିବାକୁ ଆଉ ଚାଷୀ ଚାହୁଁ ନାହାନ୍ତି। ୧୪୦ରୁ ୧୫୦ଦିନରେ ଅମଳ ହେଉଥିବା ଏହି ଧାନ କମ ପରିମାଣର ଅମଳ ହୁଏ। ଏହା ମୁଖ୍ୟତଃ ଖାଲ ଜମିରେ ହିଁ ଚାଷ ହୋଇଥାଏ।
