ଖାଦ୍ୟ ଖାଇବା ସମୟରେ ମୋବାଇଲ୍ କିମ୍ବା ଟିଭି ଦେଖିବା ଏକ ବଡ ସମସ୍ୟା ହୋଇପାରେ
ଖାଇବା ସମୟରେ ମୋବାଇଲ୍ ଦେଖି ଦେଖି ଖାଦ୍ୟ ଖାଇବା ଆଜିକାଲିର ଫ୍ୟାସନ୍ ପାଲଟି ଗଲାଣି । ଫୋନ୍ ଦେଖି ଖାଇବା ଦ୍ୱାରା ଆପଣଙ୍କ ଓଜନ ବଢ଼ିପାରେ । ଜୀବନଶୈଳୀ ଏବଂ ଖାଇବା ଅଭ୍ୟାସ ବଦଳାଇବା ଦ୍ୱାରା ଲୋକଙ୍କ ଶରୀରରେ ଅଧିକରୁ ଅଧିକ ଚର୍ବି ଜମା ହୋଇଥାଏ, ଯେଉଁ କାରଣରୁ ଶରୀରର ଅଙ୍ଗଗୁଡ଼ିକ ସଠିକ୍ ଭାବରେ କାମ କରିବା ବନ୍ଦ କରିଦିଏ । ଯାହାଫଳରେ ଲୋକମାନେ ଅସୁସ୍ଥ ହୋଇପଡନ୍ତି। ଲୋକମାନେ ଆରାମଦାୟକ ଜୀବନଶୈଳୀ ଏବଂ ଫାଷ୍ଟଫୁଡର ପ୍ରଲୋଭନ ଛାଡି ପାରୁ ନାହାନ୍ତି, ଯେଉଁ କାରଣରୁ କ୍ରମାଗତ ଭାବରେ ମୋଟାପଣ ସଂଖ୍ୟା ବଢୁଛି । ଖାଦ୍ୟ ଖାଇବା ସମୟରେ ମୋବାଇଲ୍ କିମ୍ବା ଟିଭି ଦେଖିବା ଆମ ପାଇଁ ଏକ ଅଭ୍ୟାସ ହୋଇଗଲାଣି। କିନ୍ତୁ ଏହା କରିବା ବିପଦଜ୍ଜନକ ହୋଇପାରେ ଯେତେବେଳେ ଆପଣ ଖାଇବା ସମୟରେ ଅନ୍ୟ କୌଣସି ସ୍ଥାନରେ ଧ୍ୟାନ ଦିଅନ୍ତି, ତେବେ ଆପଣ ସଠିକ୍ ଭାବରେ ଚୋବାଇ ପାରିବେ ନାହିଁ ଏବଂ କମ୍ ଚୋବାଇଥିବା ଖାଦ୍ୟ ଶୀଘ୍ର ଓଜନ ବଢିଥାଏ। କେବଳ ଏତିକି ନୁହେଁ କମ୍ ପାଣି ପିଇବା ମଧ୍ୟ ଓଜନ ବୃଦ୍ଧି ପାଇଁ ଏକ କାରଣ ହୋଇଥାଏ। ଯେତେବେଳେ ଆପଣ ଦିନକୁ ଅନେକ ଥର ପାଣି ପିଅନ୍ତି, ସେତେବେଳେ ଆପଣ କମ୍ ଭୋକିଲା ଅନୁଭବ କରନ୍ତି ଏବଂ ଅତ୍ୟଧିକ ଖାଇବା ଠାରୁ ଦୂରେଇ ରୁହନ୍ତି। ହାଇଡ୍ରେଟେଡ୍ ରହିବା ଦ୍ୱାରା ଫାଷ୍ଟଫୁଡ୍ ଲୋଭ ମଧ୍ୟ କମିଯାଏ। ଓଜନ ବଜାୟ ରଖିବା ପାଇଁ ବିଶେଷଜ୍ଞମାନେ ପ୍ରଚୁର ଜଳ ପିଇବାକୁ ପରାମର୍ଶ ଦିଅନ୍ତି, ସବୁଠୁ ବଡ଼ କଥା ହେଉଛି ସକାଳେ ଉଷୁମ ପାଣି ପିଇବା ଅଧିକ ଲାଭଦାୟକ ।ଏକ ଭଲ ନିଦ, ଭଲ ସ୍ୱାସ୍ଥ୍ୟର ରହସ୍ୟ ବୋଲି କୁହାଯାଏ। ଏକ ଅନୁସନ୍ଧାନରୁ ଜଣାପଡିଛି ଯେ ଶୋଇବା ୭ ରୁ ୮ ଘଣ୍ଟା ହେଲେ ହିଁ ଏହା ହୋଇଥାଏ। ଏହାଠାରୁ ଅଧିକ ଶୋଇଲେ ଓଜନ ବଢିପାରେ ଏବଂ ଜୀବନ ଲମ୍ବା ହେବା ପରିବର୍ତ୍ତେ ଛୋଟ ଏବଂ କଷ୍ଟଦାୟକ ହୋଇଥାଏ । ଯେଉଁମାନେ ୮-୯ ଘଣ୍ଟାରୁ ଅଧିକ ଶୋଇଥାନ୍ତି, ସେମାନଙ୍କଠାରେ ମୋଟାପଣ ହେବାର ଆଶଙ୍କା ୨୫ ପ୍ରତିଶତ ଅଧିକ ଥାଏ।