କଂଗ୍ରେସ ସଭାପତି ମଲ୍ଲିକାର୍ଜୁନ ଖଡଗେ ଆଜି ଦଳର ସବୁଠାରୁ ଗୁରୁତ୍ୱପୂର୍ଣ୍ଣ କେନ୍ଦ୍ରୀୟ ନିର୍ବାଚନ କମିଟି ଗଠନ କରିଛନ୍ତି। ଏହି କମିଟିରେ ୧୬ ଜଣ ସଦସ୍ୟ ରହିଥିବା ବେଳେ ପୂର୍ବରୁ ଥିବା କେନ୍ଦ୍ରୀୟ ନିର୍ବାଚନ କମିଟିର ୭ ଜଣ ସଦସ୍ୟ ବାଦ ପଡ଼ିଛନ୍ତି। ବାଦ ପଡ଼ିଥିବା ନେତାଙ୍କ ମଧ୍ୟରେ ପୂର୍ବତନ ପ୍ରଧାନମନ୍ତ୍ରୀ ମନମୋହନ ସିଂହ ଓ ଏକେ ଆଣ୍ଟୋନୀଙ୍କ ଭଳି ବରିଷ୍ଠ ନେତା ରହିଛନ୍ତି।
ତେବେ କଂଗ୍ରେସର ନିର୍ବାଚନ କମିଟି(ସିଇସି) ଲୋକସଭା ଓ ବିଧାନସଭା ନିର୍ବାଚନରେ କେଉଁମାନେ ଦଳର ପ୍ରାର୍ଥୀ ହେବେ, ତା’ର ଚୂଡ଼ାନ୍ତ ନିଷ୍ପତ୍ତି ନେଇଥାଏ। ଏଥିସହ ଦଳର ସମସ୍ତ ପ୍ରଚାର ଦାୟିତ୍ୱ କଥା ମଧ୍ୟ ବୁଝିଥାଏ। ଆଗକୁ ୫ ରାଜ୍ୟର ବିଧାନସଭା ସହ ଲୋକସଭା ନିର୍ବାଚନ ଆସୁଛି। ତେଣୁ ଦଳର ଅଧ୍ୟକ୍ଷ ୧୬ ଜଣିଆ କେନ୍ଦ୍ରୀୟ ନିର୍ବାଚନ କମିଟି ଗଠନ କରିଛନ୍ତି। ଏହି କମିଟିରେ ନିଜେ ଖଡେଗ ରହିଥିବା ବେଳେ ତାଙ୍କ ସହଯୋଗୀ ତଥା କର୍ଣ୍ଣାଟକା ମନ୍ତ୍ରୀ କେଜେ ଜର୍ଜ ରହିଛନ୍ତି।
