ସୁନ୍ଦରଗଡ଼ ପରେ ଏବେ ବଲାଙ୍ଗୀରରେ ଆତଙ୍କ ଖେଳାଇଲେଣୀ ସ୍କ୍ରବ ଟାଇଫସ। ଧିରେ ଧିରେ କାୟା ବିସ୍ତାର କରୁଛି ସ୍କ୍ରବ ଟାଇଫସ। ବଲାଙ୍ଗିର ଜିଲ୍ଲାରେ ସବୁଠାରୁ ଅଧିକ ସ୍କ୍ରବ ଟାଇଫସ ଚିହ୍ନଟ ହୋଇଛନ୍ତି । ଅଗଷ୍ଟ ଓ ସେପ୍ଟେମ୍ବରରେ ମୋଟ ୩୩୭ ଜଣ ଆକ୍ରାନ୍ତ ଚିହ୍ନଟ ହୋଇଛନ୍ତି । ଦୁଇମାସ ମଧ୍ୟରେ ୧୨୮୩ଟି ନମୁନା ମଧ୍ୟରୁ ୩୩୭ ଟି ପଜିଟିଭ ଥିବାର ଜଣାପଡିଛି । ଏନେଇ ଜିଲ୍ଲା ସ୍ୱାସ୍ଥ୍ୟ ଅଧିକାରୀ କୁବେର ଚନ୍ଦ୍ର ମହନ୍ତ ସୂଚନା ଦେଇଛନ୍ତି। ସୁନ୍ଦରଗଡ ଓ ବରଗଡରେ ଏହା ଆତଙ୍କ ଜନକ ପରିସ୍ଥିତି ସୃଷ୍ଟି କରିଛି । ଗତ କାଲିଠାରୁ ଏଠାରେ ୫ ଜଣ ନୂଆ ଆକ୍ରାନ୍ତ ଚିହ୍ନଟ ହୋଇଥିବା ବେଳେ ଆଜି ନୂଆ ୧୦ ଜଣ ଆକ୍ରାନ୍ତ ପଜିଟିଭ ଚିହ୍ନଟ ହୋଇଛନ୍ତି । ପ୍ରତିଦିନ ଅଧିକ ସଂଖ୍ୟାରେ ପଜିଟିଭ ବଢୁଥିବାରୁ ଏବେ ସ୍ୱାସ୍ଥ୍ୟ ବିଭାଗର ଚିନ୍ତା ବଢି ଯାଇଛି । ସୁନ୍ଦରଗଡ ଜିଲ୍ଲାରେ ଏବେ ସଂକ୍ରମିତଙ୍କ ସଂଖ୍ୟା ୨୨୧ରେ ପହଞ୍ଚି ସାରିଲାଣି । ତେଣୁ ଜିଲ୍ଲାରେ ବଢୁଥିବା ଏହି ସଂକ୍ରମଣକୁ ନେଇ ସମସ୍ତେ ଭୟଭୀତ ହୋଇ ରହିଛନ୍ତି ।
