ଆଜି ସଂଯୁକ୍ତ କିସାନ୍ ମୋର୍ଚ୍ଚାର ଗୁରୁତ୍ୱପୂର୍ଣ୍ଣ ବୈଠକ
ମହାପଞ୍ଚାୟତକୁ ସଫଳ ପାଇଁ ଆହ୍ୱାନ
ପ୍ରଧାନମନ୍ତ୍ରୀଙ୍କ ତିନି କୃଷି ଆଇନ ପ୍ରତ୍ୟାହାର ଘୋଷଣା ପରେ ବି ସମସ୍ତ ଆଇନଗତ ଦାବି ପୂରଣ ନହେବା ପର୍ଯ୍ୟନ୍ତ ଏହି ଆନ୍ଦୋଳନ ଜାରି ରହିବ ବୋଲି କୃଷକ ନେତାମାନେ କହିଛନ୍ତି । ଦିଲ୍ଲୀର ସିଙ୍ଘୁ ସୀମାରେ ସଂଯୁକ୍ତ କିସାନ୍ ମୋର୍ଚ୍ଚାର ଏକ ଗୁରୁତ୍ୱପୂର୍ଣ୍ଣ ବୈଠକ ଅପରାହ୍ନ ୩ ଟାରେ ହେବ । ସଂସଦ ପର୍ଯ୍ୟନ୍ତ ଟ୍ରାକ୍ଟର ଆନ୍ଦୋଳନରେ କାର୍ଯ୍ୟସୂଚୀରେ ଏଯାଏ କୌଣସି ପରିବର୍ତ୍ତନ ହୋଇନାହିଁ । ନଭେମ୍ବର ୨୨ ରେ ଅନୁଷ୍ଠିତ ହେବାକୁ ଥିବା ଲକ୍ଷ୍ନୌ କିସାନ ମହାପଞ୍ଚାୟତକୁ ସଫଳ କରିବା ପାଇଁ ଏକ ଆବେଦନ କରାଯାଇଛି ।
ସଂଯୁକ୍ତ କିସାନ୍ ମୋର୍ଚ୍ଚା କହିଛି ଯେ ପ୍ରଧାନମନ୍ତ୍ରୀ ମୋଦୀ ତିନୋଟି କଳା ନିୟମ ପ୍ରତ୍ୟାହାର କରି ନେଇଛନ୍ତି, କିନ୍ତୁ କୃଷକଙ୍କ ବାକି ପ୍ରସଙ୍ଗରେ ସେ ନିରବ ଅଛନ୍ତି । ଏପର୍ଯ୍ୟନ୍ତ ୬୭୦ ରୁ ଅଧିକ ଚାଷୀ ଏହି ଆନ୍ଦୋଳନରେ ସହିଦ ହୋଇଛନ୍ତି ଏବଂ ଭାରତ ସରକାର ସେମାନଙ୍କ ବଳିଦାନକୁ ଗ୍ରହଣ କରୁନାହାଁନ୍ତି । ହରିୟାଣା, ଉତ୍ତରପ୍ରଦେଶ, ଉତ୍ତରପ୍ରଦେଶ, ଦିଲ୍ଲୀ, ଚଣ୍ଡିଗଡ଼, ମଧ୍ୟପ୍ରଦେଶ ଏବଂ ଅନ୍ୟାନ୍ୟ ଚାଷୀଙ୍କ ବିରୋଧରେ ଶହ ଶହ ମିଥ୍ୟା ମାମଲା ରୁଜୁ ହୋଇଛି । ଉଲ୍ଲେଖନୀୟ କଥା ହେଉଛି, ଦାବି ପୂରଣ ନହେବା ପର୍ଯ୍ୟନ୍ତ ଚାଷୀଙ୍କ ଆନ୍ଦୋଳନ ଜାରି ରହିବ ବୋଲି ସଂଯୁକ୍ତ କିସାନ୍ ମୋର୍ଚା କହିଛି ।
